ನವದೆಹಲಿ: ಸೆಪ್ಟೆಂಬರ್‌ನಲ್ಲಿ ಭಾರತವು ತನ್ನ ನಾಗರಿಕರ ಸ್ವಿಸ್ ಬ್ಯಾಂಕ್ ಖಾತೆ ವಿವರಗಳನ್ನು ಹೊಂದಿರುವ ಮೂರನೇ ಕಂತಿನ ಡೇಟಾವನ್ನು ಸ್ವಿಟ್ಜರ್‌ಲ್ಯಾಂಡ್ನೊಂದಿಗೆ ಸ್ವಯಂಚಾಲಿತ ವಿನಿಮಯ ಒಪ್ಪಂದದ ಅಡಿಯಲ್ಲಿ ಸ್ವೀಕರಿಸಲಿದೆ.
ವರದಿಯ ಪ್ರಕಾರ, ಇದು ಭಾರತೀಯರ ಒಡೆತನದ ರಿಯಲ್ ಎಸ್ಟೇಟ್ ಆಸ್ತಿಗಳ ವಿವರಗಳನ್ನು ಒಳಗೊಂಡಿರುತ್ತದೆ. ವಿದೇಶದಲ್ಲಿ ಅಡಗಿದೆ ಎನ್ನಲಾದ ‘ಕಪ್ಪುಹಣದ’ ವಿರುದ್ಧ ಭಾರತದ ಹೋರಾಟದ ಮಹತ್ವದ ಬೆಳವಣಿಗೆಯಲ್ಲಿ, ಈ ತಿಂಗಳು ಹಂಚಿಕೊಳ್ಳಲಾಗುವ ಮಾಹಿತಿಯು ಯುರೋಪಿಯನ್ ರಾಷ್ಟ್ರದಲ್ಲಿರುವ ಭಾರತೀಯ ಪ್ರಜೆಗಳ ಒಡೆತನದ ಫ್ಲಾಟ್ಗಳು, ಅಪಾರ್ಟ್ಮೆಂಟ್ಗಳು ಮತ್ತು ವಸತಿ ಗೃಹಗಳ ವಿವರಗಳನ್ನು ಹೊಂದಿರುತ್ತದೆ. ಭಾರತೀಯ ಅಧಿಕಾರಿಗಳಿಗೆ ಈ ಆಸ್ತಿಗಳಿಗೆ ಸಂಬಂಧಿಸಿದ ತೆರಿಗೆ ಹೊಣೆಗಾರಿಕೆಯನ್ನು ನಿರ್ಣಯಿಸಲು ಸ್ವಿಟ್ಜರ್ಲೆಂಡ್ ಈ ಸ್ವತ್ತುಗಳಿಂದ ಉತ್ಪತ್ತಿಯಾಗುವ ಆದಾಯದ ಮಾಹಿತಿಯನ್ನು ಸಹ ಹಂಚಿಕೊಳ್ಳುತ್ತದೆ.
ಸ್ವಿಸ್ ಮೊದಲ ಬಾರಿಗೆ ಭಾರತೀಯ ಪ್ರಜೆಗಳ ಒಡೆತನದ ರಿಯಲ್ ಎಸ್ಟೇಟ್ ಸ್ವತ್ತುಗಳ ಮಾಹಿತಿಯನ್ನು ಹಂಚಿಕೊಳ್ಳಲು ಒಪ್ಪಿಕೊಂಡಿದ್ದರೂ, ಲಾಭರಹಿತ ಸಂಸ್ಥೆಗಳಿಗೆ ದೇಣಿಗೆ ಅಥವಾ ಕೊಡುಗೆಗಳು ಅಥವಾ ಡಿಜಿಟಲ್ ಕರೆನ್ಸಿಗಳಲ್ಲಿನ ಹೂಡಿಕೆಗಳು ಮಾಹಿತಿ ಚೌಕಟ್ಟಿನ ಸ್ವಯಂಚಾಲಿತ ವಿನಿಮಯದ ಮಿತಿಯಿಂದ ಇನ್ನೂ ದೂರ ಉಳಿದಿವೆ.
ಭಾರತವು ಸೆಪ್ಟೆಂಬರ್ 2019 ರಲ್ಲಿ AEOI(ಸ್ವಯಂಚಾಲಿತ ಮಾಹಿತಿ ವಿನಿಮಯ) ಅಡಿಯಲ್ಲಿ ಸ್ವಿಟ್ಜರ್‌ಲ್ಯಾಂಡ್‌ನಿಂದ ಮೊದಲ ವಿವರಗಳನ್ನು ಪಡೆಯಿತು.
