ಶಿರಸಿ: ಬಿಸಲಕೊಪ್ಪ ಪಂಚಾಯತಿ ವ್ಯಾಪ್ತಿಯ ವಿವಿಧ ಶಾಲೆಗಳಿಗೆ ಧಾತ್ರಿ ಫೌಂಡೇಶನ್ ವತಿಯಿಂದ ಮಕ್ಕಳಿಗೆ ಉಚಿತ ನೋಟ್ ಬುಕ್ ವಿತರಣೆ ಮಾಡಲಾಯಿತು.
ಧಾತ್ರಿ ಫೌಂಡೇಶನ್ ಅಧ್ಯಕ್ಷ ಶ್ರೀನಿವಾಸ ಭಟ್ಟ ನೋಟ್ ಬುಕ್ ವಿತರಿಸಿ ಮಾತನಾಡಿ, ಮಕ್ಕಳಿಗೆ ಶಿಕ್ಷಣದ ಜೊತೆಗೆ ಸಂಸ್ಕಾರ ಹೆಚ್ಚಾದಾಗ ಮಾತ್ರ ಅವರಲ್ಲಿ ಎಲ್ಲಾ ಮೌಲ್ಯಗಳು ಹೆಚ್ಚುತ್ತದೆ. ಲಕ್ಷ್ಮಿ ಪುತ್ರರಿಗಿಂತ ಸರಸ್ವತಿ ಪುತ್ರರೆ ದೇಶಕಟ್ಟಲು ಅರ್ಹರು ಎಂದರು.
ಈ ಸಂದರ್ಭದಲ್ಲಿ ಬಿಸಲಕೊಪ್ಪ ಗ್ರಾಮ ಪಂಚಾಯತ ಅಧ್ಯಕ್ಷ ರಾಘವೇಂದ್ರ ನಾಯಕ್, ಉಪಾಧ್ಯಕ್ಷ ನರೇಂದ್ರ ಶಾಸ್ತ್ರಿ, ಶಾಲಾ ಆಡಳಿತ ಮಂಡಳಿಯ ಸದಸ್ಯ ಜಿ.ಕೆ.ಹೆಗಡೆ, ಗ್ರಾ.ಪಂ ಸದಸ್ಯರಾದ ವಿಧ್ಯಾಧರ್ ಭಟ್ ಬಿಸಲಕೊಪ್ಪ, ಗೋಪಾಲ್ ಪಟಗಾರ ಹಾಗೂ ಸಂಸ್ಥೆಯ ಶಿಕ್ಷಕ ವೃಂದ ಮತ್ತು ಊರ ಹಿರಿಯರು ಉಪಸ್ಥಿತರಿದ್ದರು.
