ನವದೆಹಲಿ: ₹ 2,000 ನೋಟುಗಳನ್ನು ಬ್ಯಾಂಕ್‌ಗಳಲ್ಲಿ ಬದಲಾಯಿಸಿಕೊಳ್ಳಲು ಕೊನೆಯ ದಿನಾಂಕವನ್ನು ಅಕ್ಟೋಬರ್ 7 ರವರೆಗೆ ವಿಸ್ತರಿಸಲಾಗಿದೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ಶನಿವಾರ ಪ್ರಕಟಣೆಯಲ್ಲಿ ತಿಳಿಸಿದೆ. ಅಲ್ಲದೆ, ₹ 2,000 ನೋಟು ವಿನಿಮಯದ ಗಡುವು ಮುಗಿದ ನಂತರವೂ ಮಾನ್ಯವಾಗಿರುತ್ತದೆ ಎಂದು ಆರ್‌ಬಿಐ ಹೇಳಿದೆ.ಅ. 8 ರಿಂದ ಬ್ಯಾಂಕ್‌ಗಳು ₹ 2,000 ನೋಟುಗಳನ್ನು ವಿನಿಮಯಕ್ಕಾಗಿ ಸ್ವೀಕರಿಸುವುದನ್ನು ನಿಲ್ಲಿಸುತ್ತವೆ. ಆದಾಗ್ಯೂ, ಜನರು ಆರ್‌ಬಿಐನ 19 ಕಚೇರಿಗಳಲ್ಲಿ ₹ 2,000 ನೋಟುಗಳನ್ನು ವಿನಿಮಯ ಮಾಡಿಕೊಳ್ಳಬಹುದಾಗಿದೆ.
ನೋಟುಗಳನ್ನು ಭಾರತೀಯ ಅಂಚೆ ಮೂಲಕ ಆರ್‌ಬಿಐನ “ವಿತರಣೆ ಕಚೇರಿಗಳಿಗೆ” ಅಂಚೆ ಮೂಲಕ ಕಳುಹಿಸಬಹುದು. ಅಂತಹ ವಿನಿಮಯ ಅಥವಾ ಕ್ರೆಡಿಟ್ ಸಂಬಂಧಿತ ಆರ್‌ಬಿಐ/ಸರ್ಕಾರದ ನಿಯಮಗಳು, ಮಾನ್ಯ ಗುರುತಿನ ದಾಖಲೆಗಳ ಸಲ್ಲಿಕೆ ಮತ್ತು ಆರ್‌ಬಿಐ ಸೂಕ್ತವೆಂದು ಪರಿಗಣಿಸಿದ ಶ್ರದ್ಧೆಗೆ ಒಳಪಟ್ಟಿರುತ್ತದೆ.
ಮೇ 19ರವರೆಗೆ ಚಲಾವಣೆಯಲ್ಲಿದ್ದ ಒಟ್ಟು ₹ 3.56 ಲಕ್ಷ ಕೋಟಿಯಲ್ಲಿ ₹ 3.42 ಲಕ್ಷ ಕೋಟಿ ಮೌಲ್ಯದ ₹ 2,000 ನೋಟುಗಳನ್ನು ಸ್ವೀಕರಿಸಿದೆ ಎಂದು ಆರ್‌ಬಿಐ ಹೇಳಿದೆ. ಇದರಿಂದ ಸೆಪ್ಟೆಂಬರ್ 29 ರವರೆಗೆ ₹ 0.14 ಲಕ್ಷ ಕೋಟಿ ಮೌಲ್ಯದ ₹ 2,000 ನೋಟುಗಳು ಚಲಾವಣೆಯಲ್ಲಿ ಉಳಿದಿವೆ.
