ಶಿರಸಿ: ಪ್ರಸ್ತುತ ಅನಾವೃಷ್ಠಿಯ ಕಾರಣದಿಂದ ಮಳೆಗಾಗಿ ಶ್ರೀ ದೇವರ ಮೊರೆ ಹೋಗುವುದು ಅನಿವಾರ್ಯವಾಗಿರುವ ಕಾರಣ ತಾಲೂಕಿನ ಮಂಜುಗುಣಿಯ ಶ್ರೀ ಚಿದಂಬರೇಶ್ವರ ದೇವರಲ್ಲಿ ಸೆ.1 ಶುಕ್ರವಾರದಂದು ಬೆಳಿಗ್ಗೆ 10 ಗಂಟೆಯಿಂದ ಪರ್ಜನ್ಯ ಹಾಗೂ ಮಧ್ಯಾಹ್ನ 12:30 ಕ್ಕೆ ಸರಿಯಾಗಿ ಶ್ರೀ ವೇಂಕಟರಮಣ ದೇವರಲ್ಲಿ ಮಳೆಗಾಗಿ ವಿಶೇಷ ಪ್ರಾರ್ಥನೆ ನಡೆಯುತ್ತದೆ.
ಮಹಾಪೂಜೆಯ ನಂತರ ಮಧ್ಯಾಹ್ನ 12:30 ಕ್ಕೆ ಸರಿಯಾಗಿ ಶ್ರೀ ದೇವರ ಭಕ್ತರು ಮನೆಯಲ್ಲಿಯೇ ಕುಳಿತು 10 ಬಾರಿ ” ಕಲ್ಯಾಣಾಧ್ಬುತ ಗಾತ್ರಾಯ ಕಾಮಿತಾರ್ಥ ಪ್ರದಾಯಿನೇ| ಶ್ರೀಮದ್ ವೇಂಕಟನಾಥಾಯ ಶ್ರೀನಿವಾಸಾಯತೇ ನಮಃ||” ಎಂಬ ಪ್ರಾರ್ಥನಾ ಶ್ಲೋಕ ಪಠಿಸಿ ಮಳೆಗಾಗಿ ಪ್ರಾರ್ಥಿಸುವಂತೆ ದೇವಾಲಯ ಸಮಿತಿ ಪ್ರಕಟಣೆಯಲ್ಲಿ ಕೋರಿದೆ.
