• first
    second
    third
    Slide
    previous arrow
    next arrow
  • ಕ್ರಿಮ್ಸ್ನಲ್ಲಿ ಚುನಾಯಿತ ಮಾಡ್ಯಲ್‌ಗಳು ಕಾರ್ಯಾಗಾರ

    300x250 AD

    ಕಾರವಾರ: ಇಲ್ಲಿನ ಕಾರವಾರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ (ಕ್ರಿಮ್ಸ್)ಯಲ್ಲಿ ಬೋಧಕ ಸಿಬ್ಬಂದಿಗಳಿಗೆ ಚುನಾಯಿತ ಮಾಡ್ಯಲ್‌ಗಳ ಕುರಿತು ಕಾರ್ಯಾಗಾರ ನಡೆಯಿತು.
    ವೈದ್ಯಕೀಯ ಕಾಲೇಜಿನ 19 ವಿಭಾಗಗಳ ಪ್ರಾಧ್ಯಾಪಕರು, ಸಹ ಪ್ರಾಧ್ಯಾಪಕರು ಹಾಗೂ ಸಹಾಯಕ ಪ್ರಾಧ್ಯಾಪಕರು ಸೇರಿದಂತೆ 60ಕ್ಕೂ ಹೆಚ್ಚು ಬೋಧಕ ಸಿಬ್ಬಂದಿ ಗಳು ಕಾರ್ಯಗಾರದಲ್ಲಿ ಭಾಗವಹಿಸಿದ್ದರು. ಕ್ರಿಮ್ಸ್ ಸಂಸ್ಥೆಯ ವೈದ್ಯಕೀಯ ಶಿಕ್ಷಣ ಘಟಕ ಮತ್ತು ಪಠ್ಯಕ್ರಮ ಸಮಿತಿ ಸಂಸ್ಥೆಯಲ್ಲಿ ಚುನಾಯಿತ ಮಾಡ್ಯೂಲ್‌ಗಳನ್ನು ಅಳವಡಿಸಲು ಅಧ್ಯಾಪಕರಿಗೆ ತರಬೇತಿ ನೀಡಲು ಮತ್ತು ಓರಿಯಂಟ್ ಮಾಡಲು ಚುನಾಯಿತ ಮಾಡ್ಯೂಲ್‌ಗಳು ಕಾರ್ಯಾಗಾರವನ್ನು ಜಂಟಿಯಾಗಿ ನಡೆಸಲಾಯಿತು.
    ಇದೇ ಮೊದಲ ಬಾರಿಗೆ, ಎಂಬಿಬಿಎಸ್ ಪದವಿಪೂರ್ವ ವಿದ್ಯಾರ್ಥಿಗಳಿಗೆ ರಾಷ್ಟ್ರೀಯ ವೈದ್ಯಕೀಯ ಮಂಡಳಿಯ ಮಾರ್ಗಸೂಚಿಗಳ ಪ್ರಕಾರ ನಮ್ಮ ದೇಶದ ವೈದ್ಯಕೀಯ ಕಾಲೇಜುಗಳಲ್ಲಿ ಸಾಮರ್ಥ್ಯ ಆಧರಿತ ವೈದ್ಯಕೀಯ ಶಿಕ್ಷಣ ಪಠ್ಯಕ್ರಮದ ಅಡಿಯಲ್ಲಿ ಚುನಾಯಿತ ಮಾಡ್ಯೂಲ್‌ಗಳು ಚುನಾಯಿತ ಮಾಡ್ಯೂಲ್ಗಳು ನೀಡಲಾಗುವುದು. ಇದರಲ್ಲಿ ವೈದ್ಯಕೀಯ ವಿದ್ಯಾರ್ಥಿಗಳಿಗೆ 4 ವಾರಗಳ ಕಾಲ ತಮ್ಮ ಇಚ್ಛೆಯ ಚುನಾಯಿತ ಮಾಡ್ಯೂಲ್ಗಳು ಆಯ್ಕೆ ಮಾಡಿಕೊಳ್ಳುವ ಸ್ವಾತಂತ್ರ‍್ಯವಿರುತ್ತದೆ. ಇದರಿಂದ ವೈದ್ಯಕೀಯ ವಿದ್ಯಾರ್ಥಿಗಳು ತಾವು ಆಯ್ದುಕೊಂಡ ಚುನಾಯಿತ ಮಾಡ್ಯೂಲ್ಗಳಲ್ಲಿ ಸಾಮರ್ಥ್ಯ ಹೆಚ್ಚಳದ ಜೊತೆ ಕೌಶಲ್ಯವನ್ನು ಕಲಿತುಕೊಳ್ಳುವ ಅವಕಾಶವಿರುತ್ತದೆ ಹಾಗೂ ವೈದ್ಯಕೀಯ ಲೋಕದ ಭವಿಷ್ಯ ರೂಪಿಸುಕೊಳ್ಳುವಲ್ಲಿ ಸಹಕಾರಿಯಾಗುತ್ತದೆ.
    ಕಾರವಾರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ಡೀನ್ ಮತ್ತು ನಿರ್ದೇಶಕ ಡಾ.ಗಜಾನನ ಎಚ್.ನಾಯಕ ಹಾಗೂ ಹುಬ್ಬಳ್ಳಿಯ ಕರ್ನಾಟಕ ವೈದ್ಯಕೀಯ ವಿಜ್ಞಾನ ಸಂಸ್ಥೆ (ಕಿಮ್ಸ್)ಯ ಡಾ.ಮನೀಶಾ ಗೋಡಬೋಲೆ ಅವರು ಕಾರ್ಯಾಗಾರವನ್ನು ಉದ್ಘಾಟಿಸಿದರು, ಕಾರ್ಯಾಗಾರದಲ್ಲಿ ಪ್ರಾಂಶುಪಾಲರಾದ ಡಾ.ಶಿವಕುಮಾರ್ ಜಿ.ಎಲ್., ವಿಭಾಗದ ಮುಖ್ಯಸ್ಥರುಗಳಾದ ಡಾ.ಮಂಜುನಾಥ್ ಭಟ್, ಡಾ.ಮಧುಕರ್ ಕೆ.ಟಿ., ಡಾ.ಮುನಿಯಪ್ಪನವರ್ ಉಪಸ್ಥಿತರಿದ್ದರು.
    ವೈದ್ಯಕೀಯ ಶಿಕ್ಷಣ ಘಟಕದ ಸಂಯೋಜಕರಾದ ಡಾ.ಪ್ರಮೋದಕುಮಾರ ಜಿ.ಎನ್., ವೈದ್ಯಕೀಯ ಶಿಕ್ಷಣ ಘಟಕದ ಸದಸ್ಯರಾದ ಡಾ.ಪ್ರಕಾಶ್ ಎಚ್.ಎಂ., ಡಾ.ಮಾಲತೇಶ್ ಉಂಡಿ ಕ್ರಿಮ್ಸ್, ಕಾರವಾರ ಮತ್ತಿತರರು ಕಾರ್ಯಾಗಾರದಲ್ಲಿ ಸಂಪನ್ಮೂಲ ವ್ಯಕ್ತಿ ಡಾ.ಮನೀಶಾ ಗೋಡಬೋಲೆ ಅವರೊಂದಿಗೆ ಚಟುವಟಿಕೆಗಳನ್ನು ಸಂಯೋಜಿಸಿ ಸಹಕರಿಸಿದರು. ಕಾರ್ಯಾಗಾರವು ಸಂವಾದಾತ್ಮಕವಾಗಿತ್ತು ಮತ್ತು ಸಂಸ್ಥೆಯಲ್ಲಿ ಎಂಬಿಬಿಎಸ್ ವಿದ್ಯಾರ್ಥಿಗಳಿಗೆ ಚುನಾಯಿತ ಮಾಡ್ಯೂಲ್ಗಳ ಯೋಜನೆ ಮತ್ತು ಅನುಷ್ಠಾನಕ್ಕೆ ತುಂಬಾ ಉಪಯುಕ್ತವಾಗಿದೆ ಎಂದು ಭಾಗವಹಿಸಿದವರು ಅಭಿಪ್ರಾಯಪಟ್ಟರು.

    300x250 AD
    Share This
    300x250 AD
    300x250 AD
    300x250 AD
    Back to top