ದಾಂಡೇಲಿ: ನಗರಕ್ಕೆ ಕುಡಿಯುವ ನೀರು ಸರಬರಾಜು ಮಾಡುವ ಮೊದಲನೆಯ ಹಂತದ ಜಲಶುದ್ಧಿಕರಣ ಘಟಕದ ಕ್ಲಾರಿಫೈಯರನ್ನು ಸುಸ್ಥಿತಿಯಲ್ಲಿಡುವ ಕಾರ್ಯವನ್ನು ನಿರ್ವಹಿಸಲಾಗುತ್ತಿದೆ. ಆದ್ದರಿಂದ ಏ.25ರಿಂದ 26ರವರೆಗೆ ನಗರದ ಬಾಂಬೆಚಾಳ, ಬೈಲ್ ಪಾರ್, ಪಟೇಲ್ ನಗರ, ದೇಶಪಾಂಡೆ ನಗರ ಹಾಗೂ ಹಳೆ ದಾಂಡೇಲಿ ಪ್ರದೇಶಗಳಿಗೆ ನೀರು ಸರಬರಾಜು ಇರುವುದಿಲ್ಲ. ಈ ನಿಟ್ಟಿನಲ್ಲಿ ಈ ಎರಡು ದಿನಗಳವರೆಗೆ ನೀರು ಪೊರೈಕೆಯಲ್ಲಿ ವ್ಯತ್ಯಯವಾಗಲಿರುವುದರಿಂದ ಸಾರ್ವಜನಿಕರು ಸಹಕರಿಸಬೇಕೆಂದು ನಗರಸಭೆಯ ಪೌರಾಯುಕ್ತ ಆರ್.ಎಸ್.ಪವಾರ್ ಮನವಿ ಮಾಡಿದ್ದಾರೆ.
