ಹೊನ್ನಾವರ: ತಾಲೂಕಿನ ಉಪ್ಪೋಣಿ ಹೊಸ್ಕೇರಿಯ ಶ್ರೀಚೌಡೇಶ್ವರಿ, ಮಾರುತಿ, ಶನೇಶ್ವರ, ಭೂತೇಶ್ವರ ದೇವರ 27ನೇ ವಾರ್ಷಿಕ ವರ್ಧಂತಿ ಉತ್ಸವ ಹಾಗೂ ಸಾಮೂಹಿಕ ಶನೈಶ್ಚರ ವ್ರತ ಶನಿವಾರ ವಿಜೃಂಭಣೆಯಿoದ ನಡೆಯಿತು.
ಶ್ರೀದೇವರ ಸನ್ನಿಧಿಯಲ್ಲಿ ಬೆಳಿಗ್ಗೆಯಿಂದ ಗಣೇಶ ಪೂಜೆ, ಪುಣ್ಯಾಹ, ಉಕ್ತ ಹವನಗಳು ಹಾಗೂ ಸಾಮೂಹಿಕ ಶನೈಶ್ವರ ವೃತ ಕಾರ್ಯಕ್ರಮ ನೆರವೇರಿತು. ಭಕ್ತರು ಆರತಿ, ಹಣ್ಣು ಕಾಯಿ, ಉಡಿಸೇವೆ ಇತ್ಯಾದಿ ಸೇವೆ ಸಲ್ಲಿಸಿದರು. ಮಹಾಪೂಜೆಯ ನಂತರ ಪ್ರಸಾದ ವಿತರಣೆ, ಅನ್ನಸಂತರ್ಪಣೆ ಕಾರ್ಯಕ್ರಮ ನಡೆಯಿತು. ದೇವಸ್ಥಾನದ ಗೋವಿಂದ ನಾಯ್ಕ ಮತ್ತು ನಾಗರಾಜ ಗೋವಿಂದ ನಾಯ್ಕ ಹಾಗೂ ಸಾವಿರಾರು ಭಕ್ತರು ಪಾಲ್ಗೊಂಡಿದ್ದರು.
