ದಾಂಡೇಲಿ : ಮನೆಯ ಮುಂದಿನ ಅಂಗಡಿಯತ್ತ ಬಂದಿದ್ದ ಉತ್ತಮ ಜಾತಿಯ ನಾಯಿಯೊಂದು ನಾಪತ್ತೆಯಾಗಿರುವ ಘಟನೆ ಬುಧವಾರ ಸಂಜೆ ನಗರದ ಲಿಂಕ್ ರಸ್ತೆಯಲ್ಲಿರುವ ಆಶಾ ಸ್ಟೋರ್ ಹತ್ತಿರ ನಡೆದಿದೆ.
ಸ್ಥಳೀಯ ಲಿಂಕ್ ರಸ್ತೆಯ ನಿವಾಸಿ ವೆಂಕಟೇಶ್ ಟೈಲರ್ ಅವರ ಮನೆಯ ಸಿರ್ಜು ಜಾತಿಯ ಸುಮಾರು ಎರಡುವರೆ ವರ್ಷದ ಸಾಕು ನಾಯಿ ಸಂಜೆ ಹೊರ ಬಂದಿದೆ. ಮನೆಯಿಂದ ಹೊರ ಬಂದ ನಾಯಿ ಮನೆಯ ಮುಂಭಾಗದಲ್ಲಿರುವ ಆಶಾ ಸ್ಟೋರ್ ಹತ್ತಿರ ಬಂದಿದೆ. ಆಶಾ ಸ್ಟೋರ್ ನವರು ಈ ನಾಯಿಯನ್ನು ಮಾಲೀಕರು ಯಾರಾದರೂ ಬಂದಲ್ಲಿ ಒಪ್ಪಿಸಲೆಂದು ಹಿಡಿದಿದ್ದರು. ಅಷ್ಟೊತ್ತಿಗೆ ಅಲ್ಲಿಗೆ ಬಂದ ಅಪರಿಚಿತ ಇಬ್ಬರು ವ್ಯಕ್ತಿಗಳು ಈ ನಾಯಿ ನರೇಗಲ್ ಪೆಟ್ರೋಲ್ ಬಂಕ್‌ನವರಿಗೆ ಸಂಬಂಧಪಟ್ಟಿದ್ದು ಎಂದು ಹೇಳಿ ಅಲ್ಲಿಗೆ ಕೊಂಡೊಯ್ಯುತ್ತೇವೆ. ಒಂದು ವೇಳೆ ಅವರದು ಅಲ್ಲದೆ ಇದ್ದಲ್ಲಿ ಅವರಿಗೆ ಹೇಳಿ ಅಲ್ಲೇ ಇಟ್ಟು ಹೋಗುತ್ತೇವೆ ಎಂದು ತಿಳಿಸಿ ನಾಯಿಯನ್ನು ತಗೊಂಡು ಹೋದವರು ಅಲ್ಲಿ ಹೋಗದೆ ನಾಪತ್ತೆಯಾಗಿದ್ದಾರೆ.
ನಾಯಿಯನ್ನು ಕೊಂಡೊಯ್ದ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ನಾಯಿ ಕೊಂಡೊಯ್ದವರ ಗೌರವವನ್ನು ಕಾಪಾಡುವ ನಿಟ್ಟಿನಲ್ಲಿ ಆ ವ್ಯಕ್ತಿ ನಾಯಿ ತೆಗೆದುಕೊಂಡು ಹೋಗುವ ಪೂರ್ತಿ ವಿಡಿಯೋವನ್ನು ಸದ್ಯದ ಮಟ್ಟಿಗೆ ಗುಪ್ತವಾಗಿ ಇಟ್ಟುಕೊಳ್ಳಲಾಗಿದೆ. ಹಾಗಾಗಿ ನಾಯಿ ಕೊಂಡೊಯ್ದ ಪುಣ್ಯಾತ್ಮ ತನಗೆ ತೆಗೆದುಕೊಂಡು ಬರಲು ನಾಚಿಕೆಯಾದರೂ ಬೇರೆ ಯಾರತ್ರ ಆದ್ರೂ ಕೊಟ್ಟು ಕಳಿಸಬೇಕೆಂದು ನಾಯಿಯ ವಾರಿಸುದಾರರು ವಿನಂತಿಸಿದ್ದಾರೆ.
