ಸಿದ್ದಾಪುರ: ಸ್ವರ ಸಂಗಮ ಸಂಗೀತ ವಿದ್ಯಾಲಯವು ಅ. 20ರಂದು ತಾಲೂಕಿನ ಹುತ್ಗಾರನಲ್ಲಿ ವಾರ್ಷಿಕ ಸಂಗೀತ ಕಾರ್ಯಕ್ರಮವನ್ನು ಆಯೋಜಿಸಿದೆ.
ಈ ಕಾರ್ಯಕ್ರಮವು ಬೆಳಿಗ್ಗೆ 9:30ರಿಂದ ಆರಂಭಗೊಳ್ಳಲಿದ್ದು, ವಿದ್ಯಾಲಯದ ವಿದ್ಯಾರ್ಥಿಗಳಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಸಂಜೆ 5 ಗಂಟೆಗೆ ಸಭಾ ಕಾರ್ಯಕ್ರಮ ನಡೆಯಲಿದ್ದು, ಅಧ್ಯಕ್ಷರಾಗಿ ಶ್ರೀಪಾದ ಭಟ್ ಹುತ್ಗಾರ ಹಾಗೂ ಮುಖ್ಯ ಅತಿಥಿಯಾಗಿ ರಾಜಾರಾಮ್ ಹೆಗಡೆ ಬಿಳೇಕಲ್, ಎಮ್.ಪಿ.ಹೆಗಡೆ ಪಡಿಗೆರೆ ಹಾಗೂ ನಾರಾಯಣ ಹೆಗಡೆ ಬಿಳೇಕಲ್ ಇವರು ಉಪಸ್ಥಿತರಿರುತ್ತಾರೆ. ಪಂಡಿತ್ ಎಮ್.ಪಿ. ಹೆಗಡೆ ಹಾಗೂ ನಾರಾಯಣ ಹೆಗಡೆ ಇವರಿಗೆ ಸನ್ಮಾನ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಈ ಕಾರ್ಯಕ್ರಮದಲ್ಲಿ ಕುಮಾರಿ ತನ್ಮಯಿ ಹೆಗಡೆ ಹಾಡಲಿದ್ದು, ಅತಿಥಿ ಕಲಾವಿದರಾಗಿ ಪಂ. ಎಮ್.ಪಿ. ಹೆಗಡೆ ಪಡಿಗೆರೆ ಹಾಗೂ ಶ್ರೀಪಾದ ಹೆಗಡೆ ಸೋಮನಮನೆ ಇವರು ಸಂಗೀತ ಕಛೇರಿಯನ್ನು ಪ್ರಸ್ತುತಪಡಿಸಲಿದ್ದಾರೆ. ಆಕ್ಷಯ ಭಟ್ ಹಂಸಳ್ಳಿ, ವಿಜಯೇಂದ್ರ ಹೆಗಡೆ ಇವರು ಸಹಕಲಾವಿದರಾಗಿ ಸಹಕರಿಸಲಿದ್ದಾರೆಂದು ವಿದ್ಯಾಲಯದ ಶಿಕ್ಷಕರಾದ ದಿನೇಶ್ ಹೆಗಡೆ ಗಿಳಿಗುಂಡಿ ಇವರು ವರದಿ ನೀಡಿದ್ದಾರೆ.
