ಶಿರಸಿ: ಶಿರಸಿ ಇಂಜಿನೀಯರ್ಸ್ ಮತ್ತು ಆರ್ಕಿಟೆಕ್ಟ್ಸ್ ಅಸೋಸಿಯೇಶನ್ ವತಿಯಿಂದ ಸೆ.15, ಭಾನುವಾರದಂದು ಸಂಜೆ 6 ಗಂಟೆಗೆ “ಇಂಜಿನೀಯರ್ಸ್ ಡೇ” ಕಾರ್ಯಕ್ರಮವನ್ನು ನಗರದ ಟಿ.ಎಂ.ಎಸ್. ಸಭಾಭವನ, ಎ.ಪಿ.ಎಂ.ಸಿ. ಯಾರ್ಡ್‌ನಲ್ಲಿ ಆಯೋಜಿಸಲಾಗಿದೆ.
ಕಾರ್ಯಕ್ರಮದ ಉದ್ಘಾಟಕರಾಗಿ ಉಮ್ಮಚಗಿ ಸಂಸ್ಕೃತ ವಿದ್ಯಾಲಯದ ಪ್ರಾಚಾರ್ಯರಾದ ಡಾ| ನಾಗೇಶ ಭಟ್ಟ ಕೆ. ಸಿ. ಭಾಗವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಸರ್ಕಾರದ ನಿವೃತ್ತ ಸೆಕ್ರಟರಿ ಮತ್ತು ಸಬ್ ಕಮಿಟಿ ಕರ್ನಾಟಕ ನೀರಾವರಿ ನಿಗಮ ಅಧ್ಯಕ್ಷರಾದ ಜಿ. ಟಿ.ಚಂದ್ರಶೇಖರಪ್ಪ ಆಗಮಿಸಲಿದ್ದಾರೆ. ಇಂಜಿನೀಯರ್ ಶ್ಯಾಮಸುಂದರ ಎಂ. ಭಟ್ಟ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಲಿದ್ದಾರೆ. ಇದೇ ಸಂದರ್ಭದಲ್ಲಿ ಚಿರಪರಿಚಿತ ಇಂಜಿನೀಯರ್, ಉದ್ಯಮಿಯಾದ ಡಾ.ಮನು ಪಿ. ಹೆಗಡೆ ಹಾಲಳ್ಳ ಇವರನ್ನು ಸನ್ಮಾನಿಸಲಾಗುವುದು. ಸಂಘದ ಎಲ್ಲ ಸದಸ್ಯರು ಹಾಗೂ ಸಾರ್ವಜನಿಕರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಬೇಕಾಗಿ ವಿನಂತಿಸಿದೆ.
