ಸಿದ್ದಾಪುರ: ಗಿಳಿಗುಂಡಿಯ ಸ್ವರ ಸಂವೇದನಾ ಪ್ರತಿಷ್ಠಾನ ವತಿಯಿಂದ ಸಂಕಷ್ಟಿ ಪ್ರಯುಕ್ತ ‘ನಾದಪೂಜೆ’ ಸಂಗೀತ ಕಾರ್ಯಕ್ರಮವನ್ನು ಜು.24, ಬುಧವಾರ ಮಧ್ಯಾಹ್ನ 3.30ರಿಂದ ತಾಲೂಕಿನ ಬಿದ್ರಕಾನ್ ಗಣಪತಿ ದೇವಸ್ಥಾನದಲ್ಲಿ ಆಯೋಜಿಸಲಾಗಿದೆ.
ಕಾರ್ಯಕ್ರಮದಲ್ಲಿ ಡಾ.ಅಶೋಕ್ ಹುಗ್ಗಣ್ಣನವರ್ ಹುಬ್ಬಳ್ಳಿ ಹಾಗೂ ಶ್ರೀಪಾದ ಹೆಗಡೆ ಸೋಮನಮನೆ ಇವರಿಂದ ಜುಗಲ್‌ಬಂದಿ ಗಾಯನ, ಶ್ರೀಮತಿ ಬಕುಲಾ ಹೆಗಡೆ, ಕು.ಆರ್ಯ ಹೆಗಡೆ ಹಿರೇಹದ್ದ ಇವರ ಗಾಯನ ಆಯೋಜನೆಗೊಂಡಿದೆ. ನಂತರದಲ್ಲಿ ಗುರುಪ್ರಸಾದ ಹೆಗಡೆ ಗಿಳಿಗುಂಡಿ ಇವರ ಹಾರ್ಮೋನಿಯಂ ಸೋಲೋ ಕಾರ್ಯಕ್ರಮ ನಡೆಯಲಿದ್ದು, ತಬಲಾದಲ್ಲಿ ಅಲ್ಲಮ ಪ್ರಭು ಕಡಕೋಳ್ ಸವದತ್ತಿ, ನಿತಿನ್ ಹೆಗಡೆ ಕಲಗದ್ದೆ, ವಿನಾಯಕ ಹೆಗಡೆ ಹಿರೇಹದ್ದ, ಸಂವಾದಿನಿಯಲ್ಲಿ ಅಜಯ್ ಹೆಗಡೆ ವರ್ಗಾಸರ ಸಹಕರಿಸಲಿದ್ದಾರೆ.
