ಸಿದ್ದಾಪುರ: ಕಪ್ಪು ಚಿರತೆಯೊಂದು ಬುಧವಾರ ರಾತ್ರಿ ತಾಲೂಕಿನ ಇಟಗಿ ಸಮೀಪದ ಮುಸೇಗಾರಿನ ಕೃಷಿಕ ಆರ್.ಎನ್.ಹೆಗಡೆ ಅವರ ಮನೆಯಂಗಳಕ್ಕೆ ದಾಳಿ ನಡೆಸಿ ನಾಯಿಯೊಂದನ್ನು ಹೊತ್ತೊಯ್ದ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಗೊಂಡಿದೆ.
ಅಪರೂಪದ ಕಪ್ಪು ಚಿರತೆ ಕಂಡುಬಂದಿರುವುದು ಆಶ್ಚರ್ಯ ಮೂಡಿಸಿರುವುದಲ್ಲದೇ ಸುತ್ತಮುತ್ತಲಿನ ಜನತೆ ಆತಂಕವ್ಯಕ್ತಪಡಿಸಿದ್ದಾರೆ. ಸಂಬಂಧಪಟ್ಟ ಅರಣ್ಯ ಇಲಾಖೆ ಅಧಿಕಾರಿಗಳು ಕೂಡಲೇ ಈ ಕುರಿತು ಕ್ರಮಕೈಗೊಳ್ಳುವಂತೆ ಜನತೆ ಆಗ್ರಹಿಸಿದ್ದಾರೆ.
