ಸಿದ್ದಾಪುರ: ದಾನದಿಂದ ಸಮಾಜದಲ್ಲಿ ಗೌರವ ಪ್ರಾಪ್ತಿ ಆಗುತ್ತದೆ. ಆದ್ದರಿಂದ ಸತ್ಕರ್ಮಗಳಿಗೆ ಮಾಡುವ ದಾನ ಗೌರವವನ್ನು ತರುತ್ತದೆ ಎಂದು ಗೋಕರ್ಣ ಪರ್ತಗಾಳಿ ಮಠಾಧೀಶರಾದ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹೇಳಿದರು.
ಪಟ್ಟಣದ ಲಕ್ಷ್ಮೀವೆಂಕಟೇಶ ದೇವಾಲಯದಲ್ಲಿ ಶ್ರೀ ದೇವರ ಶಿಲಾಮೂರ್ತಿ ಪ್ರತಿಷ್ಠಾಪನಾ ಸುವರ್ಣಮಹೋತ್ಸವದ ಸಂದರ್ಭದಲ್ಲಿ ದೇವಾಲಯಕ್ಕೆ ದಾನ ಮಾಡಿರುವ ಸಮಾಜ ಬಾಂಧವರನ್ನು ಸನ್ಮಾನಿಸಿ ಶ್ರೀಗಳು ಶುಕ್ರವಾರ ಆಶಿರ್ವದಿಸಿದರು. ಪ್ರತಿಯೊಬ್ಬರೂ ದಾನ ಮಾಡಬೇಕು. ಮಾಡುವ ದಾನ ಒಳ್ಳೆಯ ಕಾರ್ಯಕ್ಕೆ ವಿನಿಯೋಗ ಆಗಬೇಕು. ಸಮಾಜಕ್ಕೆ ಅದು ಉಪಯೋಗವಾಗುವಂತಿರಬೇಕು ಎಂದು ಶ್ರೀಗಳು ನುಡಿದರು.
ದೇವಾಲಯದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಿತು. ಕಾರ್ಯಕ್ರಮದಲ್ಲಿ ದೇವಸ್ಥಾನದ ಅಧ್ಯಕ್ಷರಾದ ಕೃಷ್ಣ ವಾಮನ ಮಹಾಲೆ, ಕಾರ್ಯಾಧ್ಯಕ್ಷ ಜೈವಂತ ಶಾನಭಾಗ, ಉಪಾಧ್ಯಕ್ಷ ನರಸಿಂಹ ಕಾಮತ್ ಮತ್ತು ಅನೇಕ ಗಣ್ಯರು, ಭಕ್ತರು, ಶಿಷ್ಯರು ಉಪಸ್ಥಿತರಿದ್ದರು. ಭಕ್ತರಿಂದ ಲಕ್ಷ ರಾಮನಾಮ ಜಪ ಹಾಗೂ ಭಜನೆ ಕಾರ್ಯಕ್ರಮ ಜರುಗಿತು.
