ಶಿರಸಿ: ಉತ್ತರ ಕನ್ನಡ ಜಿಲ್ಲಾ ಚದುರಂಗ ಸಂಘ ಹಾಗೂ ಭಟ್ಟ ಚೆಸ್ ಸ್ಕೂಲ್ ಆಶ್ರಯದಲ್ಲಿ 7, 9, ಹಾಗೂ 13 ವರ್ಷದೊಳಗಿನ ರಾಜ್ಯ ಆಯ್ಕೆಯ ಚದುರಂಗ ಚಾಂಪಿಯನ್ ಶಿಪ್ ಪಂದ್ಯಾವಳಿಯು ಮೇ.11ರಂದು ಶಿರಸಿಯ ಹೊಟೇಲ್ ಸಾಮ್ರಾಟ ವಿನಾಯಕ ಹಾಲ್‌ನಲ್ಲಿ ಉದ್ಘಾಟನೆಗೊಂಡಿತು. ಧಮನಬೈಲ್ ಶಾಲೆಯ ಮುಖ್ಯಾಧ್ಯಾಪಕರಾಗಿ ನಿವೃತ್ತಿ ಹೊಂದಿದ ಸದಾನಂದ ಆರ್.ಹೆಬ್ಬಾರ್ ಪಂದ್ಯಾವಳಿಯನ್ನು ಉದ್ಘಾಟಿಸಿದರು. ಅಂತಾರಾಷ್ಟ್ರೀಯ ಶ್ರೇಯಾಂಕಿತ ಆಟಗಾರ ರವೀಂದ್ರ ಜೋಶಿ ಹಾಗೂ ಸಂಚಾಲಕ ರಾಮಚಂದ್ರ ಭಟ್ಟ ಇವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. 11 ಮತ್ತು 15 ವರ್ಷದೊಳಗಿನ ವಿಭಾಗದ ಆಯ್ಕೆಯು ಮೇ.12ರಂದು ನಡೆಯಲಿದೆ.
