ದಾಂಡೇಲಿ : ಜೈನ ಧರ್ಮದ ಮಹಾನ್ ಸಂತ ಆಚಾರ್ಯ ಶ್ರೀ 108 ವಿದ್ಯಾಸಾಗರ ಮುನಿ ಮಹಾರಾಜರು ಬ್ರಹ್ಮಲೀನವಾಗಿರುವ ದುಃಖದ ಸುದ್ದಿ ಇಡೀ ಸಮಾಜಕ್ಕೆ ಮತ್ತು ದೇಶಕ್ಕೆ ತುಂಬಲಾರದ ನಷ್ಟವಾಗಿದೆ ಎಂದು ಶಾಸಕರಾದ ಆರ್.ವಿ.ದೇಶಪಾಂಡೆ ಭಕ್ತಿಪೂರ್ವಕ ನಮನಗಳೊಂದಿಗೆ ಶ್ರದ್ಧಾಂಜಲಿ ಸಲ್ಲಿಸಿದರು.
ಅವರು ಈ ಬಗ್ಗೆ ನೀಡಿದ ಪ್ರಕಟಣೆಯಲ್ಲಿ ತ್ಯಾಗ, ತಪಸ್ಸು, ಜ್ಞಾನ ಮತ್ತು ಪ್ರೀತಿಯ ಪ್ರತೀಕವಾಗಿರುವ ಸಂತ ಶಿರೋಮಣಿ ಶ್ರೀ ವಿದ್ಯಾಸಾಗರ ಮುನಿ‌‌ಮಹಾರಾಜರ ಜೀವನವು ಮಾನವೀಯತೆಯ ಕಲ್ಯಾಣದ ಕಡೆಗೆ ನಮ್ಮೆಲ್ಲರನ್ನು ಯಾವಾಗಲೂ ಪ್ರೇರೇಪಿಸಲಿ ಎಂದಿದ್ದಾರೆ.
