ಶಿರಸಿ: ಸ್ವರ್ಣವಲ್ಲಿ ಶ್ರೀಗಳ ಪೀಠಾರೋಹಣದ ಅಂಗವಾಗಿ ಪ್ರತಿ ತಿಂಗಳ ಮೊದಲ ಸೋಮವಾರ ಇಲ್ಲಿಯ ರಾಗಮಿತ್ರ ಪ್ರತಿಷ್ಠಾನ ಸಂಘಟಿಸುತ್ತಿರುವ ಕಲಾ ಅನುಬಂಧ ಸಂಗೀತ ಕಾರ್ಯಕ್ರಮ ಜ. 1ರಂದು ಸೋಮವಾರ ಸಂಜೆ 5.30ರಿಂದ ಯೋಗಮಂದಿರ ಸಭಾಭವನದಲ್ಲಿ ನಡೆಯಲಿದೆ. ಆರಂಭಿಕವಾಗಿ ನಡೆಯುವ ಭಕ್ತಿ ಸಂಗೀತದಲ್ಲಿ ಶಿರಸಿ ಲಯನ್ಸ್ ಕ್ಲಬ್ ಮಾತೆಯರಿಂದ ಸಂಗೀತ ನಡೆಯಲಿದ್ದು, ನಂತರ ಶಿಲ್ಪಾ ಭಂಡಾರಿ ಮತ್ತು ಕಾವ್ಯಾ ಭಂಡಾರಿಯವರಿಂದ ದ್ವಂದ್ವ ಗಾಯನ, ಆಮಂತ್ರಿತ ಕಲಾವಿದೆ ವಿದುಷಿ ತೇಜಸ್ವಿನಿ ವೆರ್ಣೇಕರ ವಾರಣಾಸಿಯವರ ಗಾಯನ ನಡೆಯಲಿದೆ.
ತಬಲಾದಲ್ಲಿ ಲಕ್ಷ್ಮೀಶರಾವ್‌ ಕಲ್ಗುಂಡಿಕೊಪ್ಪ, ರಾಜೇಂದ್ರ ಭಾಗ್ವತ ಹೆಗ್ಗಾರ ಸಾಥ್ ನೀಡಲಿದ್ದು, ಸಂವಾದಿನಿಯಲ್ಲಿ ಪ್ರಕಾಶ ಹೆಗಡೆ, ಉನ್ನತಿ ಕಾಮತ್‌ ಸಹಕರಿಸಲಿದ್ದಾರೆ. ಕಾರ್ಯಕ್ರಮವನ್ನು ಶಿರಸಿ ರಾಜದೀಪ ಟ್ರಸ್ಟ್ ಅಧ್ಯಕ್ಷ ದೀಪಕ್ ಹೆಗಡೆ ದೊಡ್ಡೂರ್‌ ಉದ್ಘಾಟಿಸಲಿದ್ದು, ಅಧ್ಯಕ್ಷತೆ ಆರ್.ಎನ್.ಭಟ್ಟ ವಹಿಸಲಿದ್ದಾರೆ. ಇದೇ ಸಂದರ್ಭದಲ್ಲಿ ವಿದುಷಿ ತೇಜಸ್ವಿನಿ ವೆರ್ಣೇಕರವರನ್ನು ಸನ್ಮಾನಿಸಲಾಗುವುದು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
