ಸಿದ್ದಾಪುರ: ಇಲ್ಲಿನ ಭಟ್ ಚೆಸ್ ಸ್ಕೂಲ್ ಮತ್ತು ಸಿದ್ದಾಪುರ ಸ್ಪೋರ್ಟ್ಸ್ ಅಕಾಡೆಮಿ ಸಂಯುಕ್ತಾಶ್ರಯದಲ್ಲಿ ದಿ. ಶಂಕರ್ ಶೇಟ್ ಸ್ಮರಣಾರ್ಥ ದ್ವಿತೀಯ ಓಪನ್ ರಾಪಿಡ್ ಚೆಸ್ ಟೂರ್ನಮೆಂಟ್‌ನ್ನು ಇಲ್ಲಿನ ಶ್ರೀ ರಾಘವೇಂದ್ರ ಮಠದ ಸಭಾಭವನದಲ್ಲಿ ಡಿ.3 ರಂದು ನಡೆಸಲು ನಿರ್ಧರಿಸಲಾಗಿದೆ.
ಈ ಬಗ್ಗೆ ಮಾಹಿತಿ ನೀಡಿದ ಸಿದ್ದಾಪುರ ಸ್ಪೋರ್ಟ್ಸ್ ಅಕಾಡೆಮಿಯ ಪದಾಧಿಕಾರಿಗಳು ದ್ವಿತೀಯ ಓಪನ್ ರಾಪಿಡ್ ಚೆಸ್ ಟೂರ್ನಮೆಂಟ್ ಡಿ.3 ರಂದು ಭಾನುವಾರ ಬೆಳಗ್ಗೆ 9 ಗಂಟೆಯಿಂದ ಪ್ರಾರಂಭವಾಗಲಿದ್ದು, ಪಂದ್ಯಾವಳಿಯು 8 ವರ್ಷ,10 ವರ್ಷ,12 ವರ್ಷ, 14 ವರ್ಷ ಹಾಗೂ16 ವರ್ಷದವರಿಗೆ ಹೀಗೆ 5 ವಿಭಾಗದಲ್ಲಿ ವಿದ್ಯಾರ್ಥಿಗಳಿಗೆ ಪ್ರತ್ಯೇಕವಾಗಿ ನಡೆಯಲಿದೆ. ಹೆಸರನ್ನು ನೋಂದಾಯಿಸಲು ಡಿ.1 ದಿನಾಂಕದೊಳಗೆ, ಆನಂದ ಸ್ವಾಮಿ ಮೋ. ಸಂಖ್ಯೆ Tel:+918762480128 ಮತ್ತು ವಿನಾಯಕ ಶೇಟ್ ಇವರ ಮೋ. ಸಂಖ್ಯೆ Tel:+916360960550 ಇವರನ್ನು ಸಂಪರ್ಕಿಸಿ ತಮ್ಮ ಆಧಾರ ಕಾರ್ಡ್’ನೊಂದಿಗೆ ನೋಂದಾಯಿಸುವಂತೆ ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಸಿದ್ದಾಪುರ ಸ್ಪೋರ್ಟ್ಸ್ ಅಕಾಡೆಮಿಯ ಅಧ್ಯಕ್ಷ ವಿನಾಯಕ್ ಶೇಟ್, ಕಾರ್ಯದರ್ಶಿ ನಂದನ್ ಬೋರಕರ, ನಿರ್ದೇಶಕರಾದ ಸುದರ್ಶನ್ ಪಿಳ್ಳೆ, ಆರ್.ಎಂ.ಪಾಟೀಲ್, ಮಹೇಶ ಹೆಗಡೆ, ಮಂಜು ಕುರುಬರ, ಪ್ರಶಾಂತ್ ಶೇಟ್ ಹಾಜರಿದ್ದರು.
