ಯಲ್ಲಾಪುರ: ತಾಲೂಕಿನ ನಂದೊಳ್ಳಿಯ ತೆಂಗಿನಜಡ್ಡಿಯಲ್ಲಿ ಕೊಟ್ಟಿಗೆಯೊಳಗಿಟ್ಟಿದ್ದ ಒಂಟಿ ನಳಿಗೆಯ ಬಂದೂಕನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ತೆಂಗಿನಜಡ್ಡಿಯ ಮಂಜುನಾಥ ಕೇಶವ ಸಿದ್ದಿ ಎಂಬಾತ ಅಕ್ರಮವಾಗಿ ಒಂಟಿ ನಳಿಗೆಯ ಬಂದೂಕನ್ನು ಹೊಂದಿದ್ದ. ಖಚಿತ ಮಾಹಿತಿಯ ಮೇರೆಗೆ ಪೊಲೀಸರು ದಾಳಿ ನಡೆಸಿದ್ದು, ಈ ವೇಳೆ ಆರೋಪಿ ಮಂಜುನಾಥ ಓಡಿ ಹೋಗಿದ್ದಾನೆ. ಆತನ ಮನೆಯ ಪಕ್ಕದ ಕೊಟ್ಟಿಗೆಯಲ್ಲಿ ಇರಿಸಿದ್ದ ಬಂದೂಕನ್ನು ಪೊಲೀಸರು ವಶಕ್ಕೆ ಪಡೆದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
