ಭಟ್ಕಳ: ತಾಲೂಕಿನ ಮುರುಡೇಶ್ವರದಲ್ಲಿ ಮಾನಸಿಕ ಒತ್ತಡಕ್ಕೆ ಸಿಲುಕಿದ್ದ ಆಟೋ ಚಾಲಕನೊಬ್ಬ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಗುರುವಾರ ಬೆಳಕಿಗೆ ಬಂದಿದೆ.
ತೆನ್ನಮಕ್ಕಿ ಕಟಗೇರಿ ರಸ್ತೆಯ ನಿವಾಸಿ ಆಟೋ ಚಾಲಕ ನಾಗರಾಜ ದುರ್ಗಪ್ಪ ಶೆಟ್ಟಿ ಎಂದು ಗುರುತಿಸಲಾಗಿದ್ದು, ಈತನು ಕಳೆದ ಅ. 2 ರಂದ ಮನೆಯಿಂದ ತೆರಳಿದವನು ಮನೆಗೆ ಪುನಃ ಮರಳಿ ಬರಲಿರಲಿಲ್ಲ. ಈ ಬಗ್ಗೆ ಈತನ ಪತ್ನಿ ನೂತನ ನಾಗರಾಜ ಶೆಟ್ಟಿ ಮುರುಡೇಶ್ವರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದು ಇಂದು ಮಧ್ಯಾಹ್ನ ಮುರುಡೇಶ್ವರದ ಕೋಟದಮಕ್ಕಿ ಗೇರು ಪ್ಲಾಂಟೆಷನ್‌ನಲ್ಲಿ ನೇಣು ಬೀಗಿದ ಸ್ಥಿತಿಯಲ್ಲಿ ಮೃತ ದೇಹ ಪತ್ತೆಯಾಗಿದೆ.
ಸ್ಥಳಕ್ಕೆ ಮುರುಡೇಶ್ವರ ಠಾಣೆಯ ಪೊಲೀಸರು ಭೇಟಿ ನೀಡಿ, ತನಿಖೆ ನಡೆಸುತ್ತಿದ್ದಾರೆ.
