ದಾಂಡೇಲಿ: ತಾಲ್ಲೂಕಿನ ತಹಶೀಲ್ದಾರರಾಗಿ ಶೈಲೇಶ್ ಪರಮಾನಂದ ಅವರು ಸೋಮವಾರ ಅಧಿಕಾರವನ್ನು ಸ್ವೀಕರಿಸಿಕೊಂಡಿದ್ದಾರೆ. ಅಶೋಕ್ ಶಿಗ್ಗಾವಿಯವರಿಂದ ತೆರವಾದ ಸ್ಥಾನಕ್ಕೆ ಶೈಲೇಶ್ ಪರಮಾನಂದ ಅವರು ನಿಯೋಜನೆಗೊಂಡಿದ್ದಾರೆ.
ತಾಲ್ಲೂಕಿನ ಪ್ರಪ್ರಥಮ ತಹಶೀಲ್ದಾರರಾಗಿ ಕರ‍್ಯನಿರ್ವಹಿಸಿರುವ ಶೈಲೇಶ್ ಪರಮಾನಂದ ಅವರು ಕಳೆದ ಆರು ತಿಂಗಳ ಹಿಂದೆ ವಿಧಾನಸಭಾ ಚುನಾವಣೆಯ ಹಿನ್ನಲೆಯಲ್ಲಿ ಕುಂದಗೋಳಕ್ಕೆ ವರ್ಗಾವಣೆಗೊಂಡಿದ್ದರು. ಇದೀಗ ಸರಕಾರ ದಾಂಡೇಲಿ ತಾಲ್ಲೂಕಿನ ತಹಶೀಲ್ದಾರರನ್ನಾಗಿ ಶೈಲೇಶ್ ಪರಮಾನಂದ ಅವರನ್ನು ಅಧಿಕೃತವಾಗಿ ನಿಯೋಜಿಸಿದೆ.
