ಮುಂಡಗೋಡ: ಪಟ್ಟಣದ ಆನಂದ ನಗರದ ಯುವಕನೋರ್ವ ನಾಪತ್ತೆಯಾಗಿದ್ದು, ಪೊಲೀಸ್ ದೂರು ದಾಖಲಾಗಿದೆ.
ಸಿದ್ದಾರೋಡ ಗೌಳಿ (23) ನಾಪತ್ತೆಯಾಗಿರುವ ಯುವಕ. ತನ್ನ ಸ್ನೇಹಿತರೊಂದಿಗೆ ಎಲ್ಲಾದರು ಹೊರಗೆ ಹೋಗಿರಬೇಕು ಎಂದು ಕಾಣೆಯಾದ ಯುವಕನ ಮನೆಯಲ್ಲಿ ಸುಮ್ಮನಾಗಿದ್ದರು. ಜೂ.3ರಿಂದ ಕಾಣೆಯಾದವನು ಈವರಗೂ ಬಾರದಿದ್ದಕ್ಕೆ ಆತಂಕಗೊಂಡ ಪಾಲಕರು, ಸಂಬಂಧಿಕರ ಮನೆಗಳಿಗೆ ವಿಚಾರಿಸಿ ಪೊಲೀಸ್ ಠಾಣೆಗೆ ದೂರು ದಾಖಲಿಸಿ, ಯುವಕನನ್ನು ಹುಡುಕಿಕೊಡುವಂತೆ ಮನವಿ ಮಾಡಿಕೊಂಡಿದ್ದಾರೆ.
