ಗೋಕರ್ಣ : ಇಲ್ಲಿಯ ಸಮೀಪದ ಗಂಗಾವಳಿಯಲ್ಲಿ ಜೆಡಿಎಸ್ ಅಭ್ಯರ್ಥಿ ಸೂರಜ ನಾಯ್ಕ ಸೋನಿ ಅವರ ಪರವಾಗಿ ಕಾರ್ಯಕರ್ತರು ಮನೆಮನೆಗೆ ತೆರಳಿ ಮತಯಾಚನೆ ಮಾಡಿದರು.
ಈ ಸಂದರ್ಭದಲ್ಲಿ ಉದಯ ನಾಯ್ಕ ಮಾತನಾಡಿ, ಸೂರಜ ನಾಯ್ಕ ಅವರನ್ನು ಈ ಬಾರಿ ಗೆಲ್ಲಿಸುವ ಜವಾಬ್ದಾರಿ ಪ್ರತಿಯೊಬ್ಬರದ್ದು. ಕಳೆದ 5 ವರ್ಷಗಳಿಂದ ಕಾರ್ಯಕರ್ತರೊಂದಿಗೆ ನಿರಂತರ ಸಂಪರ್ಕ ಇಟ್ಟುಕೊಳ್ಳುವುದರ ಜತೆಗೆ ಯಾರಿಗೆ ಸಮಸ್ಯೆಯಾದರೂ ತಕ್ಷಣ ಸ್ಪಂದಿಸುವ ಗುಣ ಹೊಂದಿದವರು ಎಂದರು.
ಈ ಸಂದರ್ಭದಲ್ಲಿ ಕಾರ್ಯಕರ್ತರಾದ ಉದಯ ನಾಯ್ಕ, ಅರುಣ ನಾಗಪ್ಪ ನಾಯ್ಕ, ಗುರು ಎನ್. ನಾಯ್ಕ, ಪ್ರಮೋದ ಆರ್. ನಾಯ್ಕ, ಗಣಪತಿ ಆರ್. ನಾಯ್ಕ ಸೇರಿದಂತೆ ಹಲವರು ಉಪಸ್ಥಿತರಿದ್ದರು. ಗಂಗಾವಳಿಯ ಪ್ರತಿ ಮನೆ ಮನೆಗೂ ಕರಪತ್ರಗಳನ್ನು ವಿತರಿಸಿ ಸೂರಜ ನಾಯ್ಕ ಗೆಲುವಿಗೆ ಸಹಕರಿಸುವಂತೆ ವಿನಂತಿಸಿದರು.
