ದಾಂಡೇಲಿ: ಈ ದೇಶದ ಉದ್ದಗಲದಲ್ಲಿರುವ ಜನತೆ ಜೀವನ ಸಂಸ್ಕೃತಿ ಮತ್ತು ಜನಜೀವನದ ಕುರಿತಂತೆ ಅಧ್ಯಯನ ನಡೆಸುವ ಉದ್ದೇಶದಿಂದ ಬೆಂಗಳೂರಿಬನ ಯುವಕನೋರ್ವ ರಾಷ್ಟ್ರವ್ಯಾಪಿ ಸೈಕಲ್ ಮೂಲಕ ಯಾತ್ರೆ ಆರಂಭಿಸಿ ಗಮನ ಸೆಳೆದಿದ್ದಾನೆ.
ಬೆಂಗಳೂರಿನ ನಿವಾಸಿಯಾಗಿರುವ ಅಶುತೋಷ್ ಬೆಳ್ಳೂರು ಎಂಬ ಸ್ನಾತಕೋತ್ತರ ಪದವೀಧರ ಈ ಯಾತ್ರೆಯನ್ನು ಕೈಗೊಂಡ ಸಾಹಸಿ. ಮಾರ್ಚ್ 13ರಂದು ಬೆಂಗಳೂರಿನಿಂದ ಆರಂಭಗೊಂಡ ಈ ಸೈಕಲ್ ಯಾತ್ರೆ ಒಟ್ಟು ಅಲ್ಲಿಂದ 2.5 ವರ್ಷಗಳವರೆಗೆ ನಡೆಯಲಿದ್ದು, ದೇಶದ ಮೂಲೆ ಮೂಲೆಗೂ ಸಂಚರಿಸಲಿದ್ದಾನೆ. ಬುಧವಾರ ಸಂಜೆ ಸೈಕಲ್ ಯಾತ್ರೆಯ ಮೂಲಕ ದಾಂಡೇಲಿಗೆ ಆಗಮಿಸಿದ್ದ ಅಶುತೋಷ್ ಬೆಳ್ಳೂರು ಈತನಿಗೆ ನಗರದಲ್ಲಿ ಆತ್ಮೀಯವಾಗಿ ಸ್ವಾಗತ ನೀಡಲಾಯಿತು.
