ಹೊನ್ನಾವರ: ಯುವಾ ಬ್ರಿಗೇಡ್ ವತಿಯಿಂದ ‘ಧರ್ಮ ದೀಪ’ ಎನ್ನುವ ಪರಿಕಲ್ಪನೆಯಲ್ಲಿ ಆಕಾಶ ಬುಟ್ಟಿ ತಯಾರಿಸಿ ಪ್ರದರ್ಶನ ಮಾಡುವ ವಿಶಿಷ್ಟ ಕಾರ್ಯಕ್ರಮ ನಡೆಯಿತು.
ಈ ಕಾರ್ಯಕ್ರಮದಲ್ಲಿ ತಾಲೂಕಿನ ನಾಗರಿಕರು ಉತ್ಸಾಹದಿಂದ ಭಾಗವಹಿಸಿ ತಾವು ಮಾಡಿದ ಆಕಾಶ ಬುಟ್ಟಿಯನ್ನು ಪಟ್ಟಣದ ಶ್ರೀವೀರ ವೆಂಕಟೇಶ್ವ ದೇವಸ್ಥಾನದಲ್ಲಿ ಪ್ರದರ್ಶಿಸಿದರು. ಈ ಕಾರ್ಯಕ್ಕೆ ಹಲವಾರು ಪ್ರಶಂಸೆ ಬಂದಿದ್ದು, ಮುಂಬರುವ ದಿನಗಳಲ್ಲಿ ಇತರೆ ಸಂಘ- ಸಂಸ್ಥೆಗಳು ಧರ್ಮ ದೀಪ ಕಾರ್ಯಕ್ರಮವನ್ನು ದೊಡ್ಡ ಪ್ರಮಾಣದಲ್ಲಿ ಕೈಗೆತ್ತಿಕೊಳ್ಳುವ ಭರವಸೆ ನೀಡಿದ್ದಾರೆ.
ಹಿಂದು ಸಂಸ್ಕೃತಿ, ಪ್ಲಾಸ್ಟಿಕ್ ಮುಕ್ತ ಆಕಾಶ ಬುಟ್ಟಿ ಹಾಗೂ ಸ್ಥಳೀಯವಾಗಿ ಆಕಾಶ ಬುಟ್ಟಿ ತಯಾರಿಸುವವರಿಗೆ ಪ್ರೋತ್ಸಾಹ ಮಾಡಲೆಂದು ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತೆಂದು ಯುವಾ ಬ್ರಿಗೇಡ್ ತಾಲೂಕು ಸಂಚಾಲಕ ದೀಪಕ ಪಿ. ತಿಳಿಸಿದರು.
