ಜೊಯಿಡಾ: ತಾಲೂಕಿನ ನಂದಿಗದ್ದಾ ಗ್ರಾಮ ಪಂಚಾಯತ ವ್ಯಾಪ್ತಿಯ ಗುಂದ ಮಹದೇವ ಕುಟ್ಟಿಕರ ಇವರ ಮನೆಯ ಮುಂಭಾಗದಲ್ಲಿ ಮನೆಯಲ್ಲಿ ಆರೋಗ್ಯ ಭಾರತಿ ಸಮಿತಿ ದಾಂಡೇಲಿ- ಜೊಯಿಡಾ ಹಾಗೂ ಎಕಲ ಅಭಿಯಾನ ಸಹಯೋಗದಲ್ಲಿ ಉಚಿತ ಕಣ್ಣಿನ ತಪಾಸಣಾ ಶಿಬಿರ ಮತ್ತು ಜ್ವರ, ಕೆಮ್ಮು, ಅಂಗಾಗ ನೋವುಗಳಿಗೆ ಸಂಬಂಧಿಸಿದ ಉಚಿತ ತಪಾಸಣೆ ಔಷಧ ವಿತರಣೆ, ರಿಯಾಯಿತಿ ದರದಲ್ಲಿ ಕನ್ನಡಕಗಳ ವಿತರಣೆ ಶಿಬಿರ ನಡೆಯಿತು.
ಈ ಸಂದರ್ಭದಲ್ಲಿ ಪ್ರಮುಖರಾದ ವಾಸುದೇವ ಪ್ರಭು,ನಾಗೇಶ ಜಿ.ಸುಧಾಕರ ಶೆಟ್ಟಿ, ನಂದಿಗದ್ದಾ ಗ್ರಾ.ಪಂ.ಸದಸ್ಯ ಧವಳೋ ಸಾವರಕರ, ಡಾ ವೈಶಾಲಿ ಹೆಗಡೆ ,ಶಿವರಾಮ ಕುಟ್ಟಿಕರ,ಸೋಮಣ್ಣ ಕೆ ಇತರರು ಉಪಸ್ಥಿತರಿದ್ದರು. ನೂರಾರು ಸಾರ್ವಜನಿಕರು ಉಚಿತ ತಪಾಸಣಾ ಶಿಬಿರದ ಸದುಪಯೋಗ ಪಡೆದುಕೊಂಡರು.
