ಜೊಯಿಡಾ: ತಾಲೂಕಿನ ರಾಮನಗರದಲ್ಲಿ ನಡೆದ ತಾಲೂಕಿನ ಪ್ರೌಢಶಾಲಾ ಮಕ್ಕಳ ಕ್ರೀಡಾಕೂಟದಲ್ಲಿ ಕ್ಯಾಸಲರಾಕ್ ಪ್ರೌಢಶಾಲಾ ಮಕ್ಕಳು ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗುವ ಮೂಲಕ ಸಾಧನೆ ಮಾಡಿದ್ದಾರೆ.
ರಾಜೇಶ ಕುಟ್ಟಿಕರ 800 ಮೀ. ಓಟದಲ್ಲಿ ಪ್ರಥಮ, ಹರ್ಡಲ್ಸ್ ಪ್ರಥಮ, 3 ಸಾವಿರ ಮೀ. ಓಟ ತೃತೀಯ, ಸಾಧನಾ ಕೆಸರೇಕರ್ 800 ಮೀ. ಓಟದಲ್ಲಿ ಪ್ರಥಮ, 3 ಸಾವಿರ ಮೀ. ಓಟದಲ್ಲಿ ಪ್ರಥಮ, ಗಜಾನನ ದೇಸಾಯಿ ಗುಂಡು ಎಸೆತದಲ್ಲಿ ಪ್ರಥಮ ಸ್ಥಾನ ಪಡೆಯುವುದರ ಮೂಲಕ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.
ಮಕ್ಕಳ ಈ ಸಾಧನೆಗೆ ಶಾಲೆಯ ಮುಖ್ಯೋಪಾಧ್ಯಾಯ ರಮೇಶ ಚೌಧರಿ, ಸಹಶಿಕ್ಷಕರಾದ ರಾಜು ಪಟಗಾರ, ಎಚ್.ಎಸ್.ಕೊಪ್ಪದ, ದೊಡ್ಡವ್ವ ದುರದುಂಡಿ, ಮಹೇಶ ಕವಳೇಕರ್, ಮಾರ್ಗದರ್ಶನ ನೀಡಿದ ಶಿಕ್ಷಕ ವಿಶಾಲಕುಮಾರ ಯಾಳಗಿ ಹಾಗೂ ಊರಿನ ನಾಗರಿಕರು ಅಭಿನಂದಿಸಿದ್ದಾರೆ.
