ಕಾರವಾರ: ಹಾರರ್ ಥ್ರಿಲ್ಲರ್- ರೊಮ್ಯಾಂಟಿಕ್ ಚಿತ್ರಕಥೆಯುಳ್ಳ ‘ಫಿಪ್ತ್ ಜೂನ್’ ಹಿಂದಿ ಕಿರು ಚಿತ್ರವು ಆ.28ರಂದು ‘ಮೈ ಪ್ರೊವಿಸೋ’ ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಗೊಳ್ಳುತ್ತಿದೆ.
ಈ ಕುರಿತು ಜಿಲ್ಲಾ ಪತ್ರಿಕಾ ಭವನದಲ್ಲಿ ಚಿತ್ರದ ಪೋಸ್ಟರ್ ಬಿಡುಗಡೆಗೊಳಿಸಿ ಮಾತನಾಡಿದ ಕಿರುಚಿತ್ರದ ನಿರ್ದೇಶಕ ಸಂದೇಶ ನಾಯ್ಕ, ನಗರದ ಅಜ್ವಿ ಓಶಿಯನ್, ಕಡವಾಡ- ಸುಂಕೇರಿ ಸೇತುವೆ, ಸದಾಶಿವಗಡ ಹಾಗೂ ಗೋವಾ ಭಾಗದಲ್ಲಿ ಈ ಕಿರುಚಿತ್ರದ ಚಿತ್ರೀಕರಣ ಮಾಡಲಾಗಿದೆ. ಈಗ ಬಿಡುಗಡೆಗೊಳ್ಳುತ್ತಿರುವುದು ಚಿತ್ರದ ಮೊದಲ ಭಾಗವಾಗಿದ್ದು, ಎರಡನೇ ಭಾಗ ಕೂಡ ತಯಾರಿಯಲ್ಲಿದೆ ಎಂದು ತಿಳಿಸಿದರು.
ತಿರಮಲ್ಲ ತಿರುಪತಿ ಮಲ್ಟಿಸ್ಟೇಟ್ ಕೋ- ಆಪ್ ಕ್ರೆಡಿಟ್ ಸೊಸೈಟಿ ನಿರ್ಮಾಣ ಮಾಡಿರುವ ಈ ಚಿತ್ರದಲ್ಲಿ ಸಮೀಕ್ಷಾ ಸಹಾಯಕ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ರಾಹುಲ್ ಮಾಳ್ಸೇಕರ ಹಾಗೂ ಸಹನಾ ಗುನಗಿ ನಾಯಕ- ನಟಿಯಾಗಿ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಸೋನಂ ವಡ್ಡರ, ರಿಚಲ್ ಬಾಂದೇಕರ, ರಾಜೇಶ ಬಾಂದೇಕರ, ಸೂರಜ ಶಿರೋಡಕರ, ಮಾಲ್ತೇಶ ಕುಡಾಳಕರ, ಆದರ್ಶ ಕೃಷ್ಣಾಪುರ, ಮಂದರ್ ವೇರ್ಣೇಕರ, ಪ್ರಿಯಾಂಕಾ ನಾಯಕ ಚಿತ್ರದಲ್ಲಿ ವಿವಿಧ ಪಾತ್ರಗಳನ್ನ ನಿರ್ವಹಿಸಿದ್ದಾರೆ ಎಂದು ತಿಳಿಸಿದರು.
