ಸಿದ್ದಾಪುರ: ತಾಲೂಕಿನ ಕ್ಯಾದಗಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಇಳಿಮನೆ ಗ್ರಾಮದ ಕೊಂಕನಳ್ಳಿ ನಿವಾಸಿ ಗಜಾನನ ದ್ಯಾವಾ ನಾಯ್ಕರವರ ಮನೆಗೆ ಆಕಸ್ಮಿಕವಾಗಿ ಬೆಂಕಿ ತಗುಲಿ ತುಂಬಾ ಹಾನಿಯಾಗಿತ್ತು. ಇದರಿಂದ ಆರ್ಥಿಕ ಸಂಕಷ್ಟದಲ್ಲಿರುವ ಈ ಕುಟುಂಬಕ್ಕೆ ಅಗತ್ಯ ಪರಿಹಾರವನ್ನು ಕಲ್ಪಿಸಿಕೊಡಬೇಕೆಂದು ಸಭಾಧ್ಯಕ್ಷ ವಿಶ್ವೇಶ್ವರ ಹೆಗಡೆ ಕಾಗೇರಿಯವರು ಸರಕಾರಕ್ಕೆ ಕೋರಿರುವುದರಿಂದ ಮತ್ತು ಇವರ ಮುತುವರ್ಜಿಯಿಂದಾಗಿ ರೂ. ಒಂದು ಲಕ್ಷಗಳ ಪರಿಹಾರ ಧನ ಮಂಜೂರಿಯಾಗಿದೆ.
