ಶಿರಸಿ: ಆರೋಗ್ಯ ಭಾರತಿ ಹಾಗೂ ಅರಿವು ವೇದಿಕೆ ಯಡಳ್ಳಿಯ ಆಶ್ರಯದಲ್ಲಿ ಶ್ರೀಧನ್ವಂತರಿ ಹೋಮ ಹಾಗು ಸನ್ಮಾನ ಕಾರ್ಯಕ್ರಮ ಯಡಳ್ಳಿಯ ಸುಕರ್ಮ ಯಾಗಶಾಲೆಯಲ್ಲಿ ನ.10 ಶುಕ್ರವಾರ ನಡೆಯಲಿದೆ.
ಅಂದು ಬೆಳಿಗ್ಗೆ 10 ರಿಂದ12ರವರೆಗೆ ಹೋಮ ಹಾಗೂ ಅಪರಾಹ್ನ 3 ರಿಂದ 5 ಸಭಾ ಕಾರ್ಯಕ್ರಮ ನಡೆಯಲಿದೆ. ಇದೇ ಸಂಧರ್ಭದಲ್ಲಿ ನಿವೃತ್ತ ಹಿರಿಯ ಸುಶ್ರೂಶಕಿ ಶ್ರೀಮತಿ ಭವಾನಿ ಕೆ. ಭಟ್ಟ ಹಾಗೂ ಹಾಳದಕಟ್ಟಾ ಸಂಸ್ಕೃತ ಪಾಠಶಾಲೆಯ ಅಧ್ಯಾಪಕ ಡಾ.ಪ್ರದೀಪ ಜೋಶಿ ಶಿವಳಮನೆ ಅವರನ್ನು ಸನ್ಮಾನಿಸಲಾಗುವದು . ಹವನದ ನೇತೃತ್ವವನ್ನು ವಿ. ಪರಮೇಶ್ವರ ಅ.ಭಟ್ಟ ಪುಟ್ಟನಮನೆ ಹಾಗು ಅಧ್ಯಕ್ಷತೆಯನ್ನು ವಿಘ್ನೇಶ್ವರ ಗೋ. ಹೆಗಡೆ ಅಬ್ರಿಮನೆ ವಹಿಸಲಿದ್ದಾರೆ ಎಂದು ಆರೋಗ್ಯ ಭಾರತಿ ಅಧ್ಯಕ್ಷ ಡಾ.ವಿನಾಯಕ ಹೆಬ್ಬಾರ ತಿಳಿಸಿದ್ದಾರೆ.
