ಮುಂಡಗೋಡ: ಕೊಟ್ಟಿಗೆಗೆ ಬೆಂಕಿ ಬಿದ್ದು 7 ದನ ಮೃತಪಟ್ಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಾನುವಾರು ಮಾಲಕನಿಗೆ ಕೆಡಿಸಿಸಿ ಬ್ಯಾಂಕ್‌ನ ರೈತ ಕಲ್ಯಾಣ ನಿಧಿಯಿಂದ ಶಾಸಕ ಶಿವರಾಮ ಹೆಬ್ಬಾರ್ ಬುಧವಾರ 1 ಲಕ್ಷ ರೂ. ಪರಿಹಾರ ನೀಡಿದ್ದಾರೆ.
ಪಟ್ಟಣದ ಹಳೂರ ಓಣಿಯಲ್ಲಿ ವಿದ್ಯುತ್ ಅವಘಡದಿಂದ ದನದ ಕೊಟ್ಟಿಗೆ ಭಸ್ಮಗೊಂಡು, ಕೊಟ್ಟಿಗೆಯಲ್ಲಿದ್ದ 7 ದನಗಳು ಮೃತಪಟ್ಟಿತ್ತು. ಅದರಂತೆ ಸಂತ್ರಸ್ತ ಮಾಲೀಕನ ಮನೆಗೆ ತೆರಳಿದ ರೈತನಿಗೆ ಸಾಂತ್ವನ ಹೇಳಿ ಧೈರ್ಯ ತುಂಬಿದ ಶಾಸಕ ಹೆಬ್ಬಾರ್, ಚೆಕ್ ಹಸ್ತಾಂತರಿಸಿದರು.
ಈ ಸಂದರ್ಭದಲ್ಲಿ ತಹಶಿಲ್ದಾರ ಶಂಕರ ಗೌಡಿ, ವಿವೇಕ ಹೆಬ್ಬಾರ್, ಗುಡ್ಡಪ್ಪ ಕಾತೂರ, ಗುರು ಕಾಮತ, ಶೇಖರ ಲಮಾಣಿ ಹಾಗೂ ಪಟ್ಟಣ ಪಂಚಾಯತ್ ಸದಸ್ಯ ಶಿವರಾಜ ಸುಬ್ಬಾಯವರ ಇದ್ದರು.
