ಶಿರಸಿ: ಕೆ.ಇ.ಬಿ. ಕಚೇರಿಗೆ ಹೋಗಿ ಕರೆಂಟ್ ಬಿಲ್ ತುಂಬಿ ಬರುತ್ತೇನೆ ಎಂದು ಮನೆಯಿಂದ ಹೊರಟ ಮಹಿಳೆಯೋರ್ವಳು ನಾಪತ್ತೆಯಾದ ಘಟನೆ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಶೀರಿನ್ ಬಾನು ಅಲ್ತಾಫ್ ಮೈದಿನ್ ಸಾಬ್ (40) ನಾಪತ್ತೆಯಾದವಳೆಂದು ತಿಳಿದುಬಂದಿದ್ದು, ಈಕೆ ಜೂನ್ 22 ರಂದು ಕರೆಂಟ್ ಬಿಲ್ ತುಂಬಲೆಂದು ಮನೆಯಿಂದ ಹೊರಟಿದ್ದಳು. 5.1 ಅಡಿ ಎತ್ತರ, ದುಂಡುಮುಖ, ಹುಬ್ಬಿನ ಮೇಲೆ ಹಳೆ ಗಾಯದ ಕಲೆ ಹೊಂದಿದ್ದು ಗೋದಿ ಮೈಬಣ್ಣದವಳಾಗಿದ್ದು, ಉರ್ದು, ಹಿಂದಿ, ಕನ್ನಡ ಮಾತನಾಡುತ್ತಾಳೆ. ಈ ಮಹಿಳೆಯ ಬಗ್ಗೆ ಯಾರಿಗಾದರೂ ಮಾಹಿತಿ ಇದ್ದಲ್ಲಿ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆ Tel;+919480805255 ಗೆ ಸಂಪರ್ಕಿಸುವಂತೆ ಪೋಲೀಸರು ವಿನಂತಿಸಿದ್ದಾರೆ.
