ಸಿದ್ದಾಪುರ: ಶ್ರೀರಾಮಚಂದ್ರಾಪುರಮಠ ಮಹಾಸಂಸ್ಥಾನದ ಗೋಸ್ವರ್ಗ ಸೇರಿದಂತೆ ಗೋಸೇವೆಗಾಗಿ ರೂಪಿಸಿದ ‘ಲಕ್ಷಬಾಗಿನಿ’ ಯೋಜನೆಗೆ ಎಲ್ಲೆಡೆಯಿಂದ ವ್ಯಾಪಕವಾಗಿ ಬೆಂಬಲ ವ್ಯಕ್ತವಾಗುತ್ತಿದೆ.
ಮುಂಬೈ, ಬೆಂಗಳೂರು, ಮಂಗಳೂರಿನoತಹ ಮಹಾನಗರಗಳ ನಿವಾಸಿ ಮಹಿಳೆಯರಲ್ಲದೇ ಗ್ರಾಮಾಂತರ ಭಾಗದ ಮಹಿಳೆಯರೂ ಈ ಯೋಜನೆಗೆ ಸ್ಪಂದಿಸಿ ಸೇವೆಯಲ್ಲಿ ತೆಡಗಿಸಿಕೊಂಡು ಯೋಜನೆಯನ್ನು ಪೂರೈಸಿ ಶ್ರೀ ಗುರುಪೀಠದಿಂದ ಬಾಗಿನ ಪಡೆದು ಸಾರ್ಥಕತೆ ಪಡೆಯುತ್ತಿದ್ದಾರೆ. ಕೇವಲ ಹವ್ಯಕ ಮಹಿಳೆಯರಲ್ಲದೇ ವಿವಿಧ ಸಮಾಜಗಳ ಮಹಿಳೆಯರೂ ಈ ಸತ್ಕಾರ್ಯದಲ್ಲಿ ತೊಡಗಿಕೊಳ್ಳುತ್ತಿದ್ದಾರೆ.
ಭಾನ್ಕುಳಿಯ ಶ್ರೀ ರಾಮದೇವಮಠ ಗೋಸ್ವರ್ಗದಲ್ಲಿ ನಡೆದ ಶಂಕರಪoಚಮಿ ಉತ್ಸವದಲ್ಲಿ ಲಕ್ಷಬಾಗಿನಿಯರಿಗೆ ಶ್ರೀ ರಾಘವೇಶ್ವರಭಾರತೀ ಶ್ರೀಗಳವರು ಬಾಗಿನ ಅನುಗ್ರಹಿಸಿದರು. ಈ ಸಂದರ್ಭದಲ್ಲಿ ಬೋವಿ ಸಮಾಜದ ಶ್ರೀಮತಿ ಮಂಗಲಾ ಅನಂತ ಬೈಂದೂರು ಇವರೂ ಸಹ ಲಕ್ಷಕ್ಕೂ ಅಧಿಕ ಹಣ ಸಂಗ್ರಹಿಸಿ ನೀಡುವ ಮೂಲಕ ಲಕ್ಷಬಾಗಿನಿಯಾಗಿ ಗುರುತಿಸಿಕೊಂಡು ಪ್ರಶಂಸೆಗೆ ಪಾತ್ರವಾಗಿದ್ದಾರೆ.
