ಯಲ್ಲಾಪುರ: ತಾಲೂಕಿನ ರಾಷ್ಟ್ರೀಯ ಹೆದ್ದಾರಿ 63 ಗುಳ್ಳಾಪುರ ಬಳಿ ಚಿಕ್ಕುಮನೆ ತಿರುವಿನಲ್ಲಿ ಲಾರಿಯೊಂದು ಪಲ್ಟಿಯಾಗಿ ಬಿದ್ದ ಘಟನೆ ಬುಧವಾರ ನಡೆದಿದೆ.
ಅಂಕೋಲಾ ಕಡೆಯಿಂದ ಹುಬ್ಬಳ್ಳಿ ಕಡೆ ಬರುವ ಲಾರಿ ಇದಾಗಿದ್ದು ಹೆದ್ದಾರಿಯಲ್ಲಿದ್ದ ಭಾರೀ ಗಾತ್ರದ ಹೊಂಡದಲ್ಲಿ ಇಳಿದ ಕಾರಣ ನಿಯಂತ್ರಣ ತಪ್ಪಿ ಪಲ್ಟಿ ಬಿದ್ದಿದೆ.ಯಾವುದೇ ಪ್ರಾಣಾಪಾಯವಾಗಿಲ್ಲ. ಲಾರಿ‌ಜಖಂಗೊಂಡಿದೆ.ಇಲ್ಲಿ ರಸ್ತೆಯಲ್ಲಿ ಭಾರೀ ಗಾತ್ರದ ಹೊಂಡ ಬಿದ್ದಿದ್ದು ಇದೇ ಕಾರಣಕ್ಕೆ ಕೆಲ ದಿನದ ಹಿಂದೆ ಗುಜರಾತಿನ ಲಾರಿಯೊಂದು ಇದೇ ಸ್ಥಳದಲ್ಲಿ ಪಲ್ಟಿ ಬಿದ್ದಿತ್ತು.ಬೈಕ್ ಸವಾರರು,ನಾಲ್ಕು ಚಕ್ರದ ಸಣ್ಣ ವಾಹನ ಸವಾರರು ಇಲ್ಲಿ ಸಂಚರಿಸುವಾಗ ಈ ಹೊಂಡ ಅಪಾಯ ಆಹ್ವಾನಿಸುತ್ತಿದೆ ಕೂಡಲೇ ಹೊಂಡ ಮುಚ್ಚಿ ಪ್ರಾಣಹಾನಿ ತಡೆಯುವಂತೆ ಸಾರ್ವಜನಿಕರ ಆಗ್ರಹವಾಗಿದೆ.
