ಶಿರಸಿ: ಇಲ್ಲಿನ ಎಲ್ಲೋಕ್ ಚಿತ್ರಕಲಾ ತರಬೇತಿ ಕೇಂದ್ರದ ವಾರ್ಷಿಕ ಕಲಾ ಪ್ರದರ್ಶನ ಹಾಗೂ ಉಪನ್ಯಾಸ ಕಾರ್ಯಕ್ರಮವನ್ನು ನಗರದ ನೆಮ್ಮದಿ ಕೇಂದ್ರದಲ್ಲಿ ಸೆ.16, ಸೋಮವಾರ ಮಧ್ಯಾಹ್ನ 4 ಗಂಟೆಗೆ ಆಯೋಜಿಸಲಾಗಿದೆ.
ಹೊನ್ನಾವರ ನಾಗರಿಕ ಪತ್ರಿಕೆ ಪ್ರಧಾನ ಸಂಪಾದಕ ಕೃಷ್ಣಮೂರ್ತಿ ಹೆಬ್ಬಾರ ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಕರ್ನಾಟಕ ಲಲಿತಕಲಾ ಅಕಾಡೆಮಿ ಸದಸ್ಯ ಡಾ. ಬಸವರಾಜ ಎಸ್. ಕಲೆಗಾರ, ಹಿರಿಯ ಚಿತ್ರಕಲಾವಿದ ಜಿ.ಎಮ್. ಹೆಗಡೆ, ತಾರಗೋಡ, ಚಿತ್ರ ಕಲಾವಿದ ರವಿ ಗುನಗಾ, ಗೋಕರ್ಣ ಆಗಮಿಸಲಿದ್ದಾರೆ. ಹಿರಿಯ ಚಿತ್ರಕಲಾವಿದ ನಾಗರಾಜ ಶೇಟ್ ಕೊಡಾಣಿ ಇವರಿಗೆ ಗುರು ಗೌರವಾರ್ಪಣೆ ನಡೆಯಲಿದ್ದು, ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಲಿವೆ.
