ಶಿರಸಿ : ಆನಂದ ಮತ್ತು ಅರವಿನ ರಂಗ ಪಯಣದ ಪ್ರಸಿದ್ಧ ಬಹುಭಾಷಾ ನಟ ಪ್ರಕಾಶರಾಜ್ ಪ್ರೋಡಕ್ಷನನಿನ ನಿರ್ದಿಗಂತ ಶಾಲಾರಂಗ ರಂಗಪ್ರಯೋಗ ಆ.29, 30, 31ರಂದು ತಾಲೂಕಿನ ವಿವಿಧೆಡೆಯಲ್ಲಿ ನಡೆಯಲಿದೆ. ಹಾಡು, ಕಥೆ, ಪ್ರಹಸನ, ನಾಟಕ, ಗೊಂಬೆಗಳ ನಡಿಗೆಯ ವಿಶಿಷ್ಟ ಶಾಲಾರಂಗವನ್ನು ಹೆಸರಾಂತ ರಂಗಕರ್ಮಿ ಡಾ| ಶ್ರೀಪಾದ ಭಟ್ ನಿರ್ದೇಶನ ಮಾಡಿದ್ದಾರೆ. ಈ ಪ್ರಯೋಗಕ್ಕೆ ಅನುಷ್ ಶೆಟ್ಟಿ ಸಂಗೀತ ಒದಗಿಸಿದ್ದಾರೆ. ಮುನ್ನಾ ಮೈಸೂರು ಮತ್ತು ರಾಜು ಗುತ್ತಲ ಸಹಕಾರ ನೀಡಿದ್ದಾರೆ. ಈ ರಂಗಪ್ರಯೋಗವು 3 ಗಂಟೆಗಳ ಅವಧಿಯದ್ದಾಗಿದೆ. ಆ.29 ರಂದು ಸಂಜೆ 4 ಗಂಟೆಗೆ ಕುಳವೆ ಜನತಾ ವಿದ್ಯಾಲಯದಲ್ಲಿ, ಆ.30 ರಂದು ಸಂಜೆ 5-30 ಗಂಟೆಯಿಂದ ತೋಟಗಾರಿಕಾ ಕಾಲೇಜು ಶಿರಸಿಯಲ್ಲಿ, ಆ.31 ರಂದು ಸಂಜೆ 5-30 ರಿಂದ ಮೊರಾರ್ಜಿ ವಿಜ್ಞಾನ ಕಾಲೇಜು ಕಲ್ಲಿಯಲ್ಲಿ ಪ್ರದರ್ಶನ ಕಾಣಲಿದೆ. ಸರ್ವರಿಗೂ ಉಚಿತ ಪ್ರವೇಶ ಇರುವುದಾಗಿ ಸ್ಥಳೀಯ ಸಂಯೋಜಕರು ಚಂದ್ರು ಉಡುಪಿ ತಿಳಿಸಿದ್ದಾರೆ.
