ಸಿದ್ದಾಪುರ: ತಾಲೂಕಿನ ಕೊಂಡ್ಲಿ ಗ್ರಾಮದ ಕೊಪ್ಪ ಮಜರೆಯಲ್ಲಿ ಸಿಡಿಲು ಬಡಿದು 7ದನಗಳು ಮೃತಪಟ್ಟ ಹೃದಯ ವಿದ್ರಾವಕ ಘಟನೆ ನಡೆದಿದೆ.
ಮೇ.18,ಶನಿವಾರದಂದು ಸಿದ್ದಾಪುರ ಭಾಗದಲ್ಲಿ ಗುಡುಗು ಸಹಿತ ಭಾರೀ ಮಳೆ ಸುರಿದಿದೆ. ಈ ವೇಳೆ ಬಡಿದ ಸಿಡಿಲಿಗೆ ದುರದೃಷ್ಟವಶಾತ್ ಬೂರಿಯಾ ಕನ್ನ ನಾಯ್ಕ್‌ರವರ 2 ದನ, ನಾರಾಯಣ ರಾಮ ನಾಯ್ಕ್‌ರವರ 2 ದನ, ನಾರಾಯಣ ಕನ್ನ ನಾಯ್ಕ್, ಗಣಪತಿ ಕನ್ನಾ ನಾಯ್ಕ್, ಲಕ್ಷ್ಮಣ ಗೋವಿಂದ ನಾಯ್ಕ್‌ರವರ ತಲಾ 1 ದನ ಸೇರಿದಂತೆ ಒಟ್ಟೂ 7 ದನಗಳು ದುರ್ಮರಣಕ್ಕೀಡಾಗಿವೆ. ಈ ಹಿನ್ನೆಲೆಯಲ್ಲಿ ಸಂಬಂಧಪಟ್ಟ ಇಲಾಖೆಗಳಿಗೆ ಪ್ರಾಥಮಿಕ ವರದಿ ಸಲ್ಲಿಕೆಯಾಗಿದೆ.
