ಅಂಕೋಲಾ: ಯಲ್ಲಾಪುರದಿಂದ ಸಂಜೆ 4:15ಕ್ಕೆ ಹೊರಡುವ ರಾಯಚೂರು-ಕಾರವಾರ ಬಸ್ ಯಲ್ಲಾಪುರ ಮತ್ತು ಗುಳ್ಳಾಪುರದಿಂದ ಬಂದ ಪ್ರಯಾಣಿಕರಿಗೆ ವಜ್ರಳ್ಳಿಯಲ್ಲಿ ಬಸ್ ನಿಲುಗಡೆ ಇಲ್ಲವೆಂದು ರಾಮನಗುಳಿಯಲ್ಲೇ ಇಳಿಸಿ ಬರುತ್ತಿದ್ದಾರೆ. ಪ್ರತಿಬಾರಿ ವಿದ್ಯಾರ್ಥಿಗಳಿಗೆ, ಪ್ರಯಾಣಿಕರಿಗೆ ಇದೇ ರೀತಿ ತೊಂದರೆ ಉಂಟುಮಾಡುತ್ತಿದ್ದಾರೆ. ಈ ಹಿಂದೆ ಅಂಕೋಲಾ ಬಸ್ ನಿಲ್ದಾಣಾಧಿಕಾರಿಗಳಿಗೆ, ಘಟಕ ವ್ಯವಸ್ಥಾಪಕರಿಗೆ ಸಾಕಷ್ಟು ಮನವಿ ಮಾಡಿಕೊಂಡರೂ ಯಾವುದೇ ಪ್ರಯೋಜನವಾಗುತ್ತಿಲ್ಲ. ಚಾಲಕ- ನಿರ್ವಾಹಕರ ಮೇಲೆ ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲ. ಈ ಬಸ್ ನಿಲುಗಡೆ ಮಾಡದೇ ಇರುವುದು ಸಾರ್ವಜನಿಕರಿಗೆ ತೀವ್ರ ತೊಂದರೆಯುಂಟಾಗುತ್ತಿದೆ. ಸಂಬಂಧಪಟ್ಟ ಅಧಿಕಾರಿಗಳು ಈ ಬಗ್ಗೆ ತಕ್ಷಣ ಕ್ರಮ ಕೈಗೊಳ್ಳಬೇಕಿದೆ. ಇಲ್ಲದೇ ಹೋದಲ್ಲಿ ವಜ್ರಳ್ಳಿ ಗ್ರಾಮಸ್ಥರೆಲ್ಲರೂ ಸೇರಿಕೊಂಡು ರಾಯಚೂರು ಬಸ್ ತಡೆಹಿಡಿದು ಪ್ರತಿಭಟಿಸುತ್ತೇವೆ ಎಂದು ಸಾಮಾಜಿಕ ಕಾರ್ಯಕರ್ತ ಉಮೇಶ ಅಣ್ಣಪ್ಪ ನಾಯ್ಕ ವಜ್ರಳ್ಳಿ ಪತ್ರಿಕೆ ಮೂಲಕ ಎಚ್ಚರಿಕೆಯನ್ನು ನೀಡಿದ್ದಾರೆ.
