ಶಿರಸಿ: ರಾಜ್ಯಪ್ರಸಿದ್ಧ ಶಿರಸಿ ಮಾರಿಕಾಂಬಾ ಜಾತ್ರೆಯಲ್ಲಿ ಆತ್ಮೀಯ ಸೇವಾ ಟ್ರಸ್ಟ್ ವತಿಯಿಂದ ಬುಧವಾರ, ಜಾತ್ರಾ ನಿಮಿತ್ತ ಮಾರಿಕಾಂಬಾ ದೇವಿಯ ಭವ್ಯ ಶೋಭಾಯಾತ್ರೆಯ ಸಂದರ್ಭದಲ್ಲಿ ಜಾತ್ರೆಗೆ ಬಂದ ಸಹಸ್ರಾರು ಭಕ್ತರಿಗೆ ಮೂರು ಸಾವಿರ ಲೀಟರ್ ಗೂ ಅಧಿಕ ಮಜ್ಜಿಗೆ ನೀಡಿ ದಣಿವನ್ನಾರಿಸಿತು. ಈ ವೇಳೆ ಆತ್ಮೀಯ ಸೇವಾ ಟ್ರಸ್ಟ್ ಸದಸ್ಯರು ಭಾಗವಹಿಸಿದ್ದರು.
ಕಳೆದ ಹಲವಾರು ವರ್ಷಗಳಿಂದ ಜಾತ್ರೆಯಲ್ಲಿ ಅರವಟಿಕೆ ಸೇವೆಯನ್ನು ನಡೆಸಿಕೊಂಡು ಬಂದಿದ್ದು, ಇತರೆ ದಿನಗಳಲ್ಲಿ ಜೊತೆಗೆ ಪ್ರವಾಸಿ ತಾಣಗಳ ಸ್ವಚ್ಛತೆ, ಜಲ ಸಂರಕ್ಷಣೆ ಸೇರಿದಂತೆ ಸಮಾಜೋಪಯೋಗಿ ಕೆಲಸಗಳ ಮೂಲಕ ಜನರಿಗೆ ಚಿರಪರಿಚಿತ ಎನಿಸಿದೆ.
