ಖಜುರಾಹೊ: ಅಂತರಾಷ್ಟ್ರೀಯ ಖ್ಯಾತಿಯ ಖಜುರಾಹೊ ನೃತ್ಯ ಹಬ್ಬ -2024 ಪ್ರಾರಂಭಗೊಂಡಿದ್ದು, ಮುಖ್ಯಮಂತ್ರಿ ಡಾ.ಮೋಹನ ಯಾದವ್ ಡೋಲು ಬಾರಿಸಿ ಉದ್ಘಾಟಿಸಿದರು.
ಒಂದು ವಾರ ಕಾಲ ನಡೆಯಲಿರುವ ಈ ನೃತ್ಯ ಹಬ್ಬದ ಸುವರ್ಣ ಮಹೋತ್ಸವ ಕೂಡ ಇದಾಗಿದೆ. ಸಾವಿರಾರು ದೇಶ -ವಿದೇಶ ವಿಶೇಷ ಆಮಂತ್ರಿತ ಕಲಾಕಾರರು ಉಪಸ್ಥಿತಿಯಲ್ಲಿ ನಡೆದಿರುವ ಇನ್ನೊಂದು ವಿಶ್ವ ದಾಖಲೆಯನ್ನು ಮಾಡುವ ಪ್ರಯತ್ನ ಕೂಡ ಇದೇ ಸಂದರ್ಭದಲ್ಲಿ ನಡೆಯಿತು.
ಅಂದಾಜು 1500 ಕಥಕ್ ನರ್ತಕಿಯರು ಭಾಗವಹಿಸಿದ್ದ ಈ ಅಪೂರ್ವ ಕಾರ್ಯಕ್ರಮಕ್ಕೆ ನೆರೆದ ಜನಸ್ತೋಮ ಹಾಗೂ ಗಿನ್ನಿಸ್ ವಿಶ್ವ ದಾಖಲೆಯ ಅಧಿಕಾರಿಗಳ ತಂಡ ಸಾಕ್ಷಿಯಾಗಿದ್ದು, ಗಿನ್ನಿಸ್ ದಾಖಲೆಯ ಸಂಸ್ಥೆಯ ಮುಖ್ಯಸ್ಥೆ “ಇದೊಂದು ವಿಶ್ವ ದಾಖಲೆ” ಎಂದು ನೃತ್ಯ ಕಾರ್ಯಕ್ರಮದ ನಂತರ ಪ್ರಕಟಿಸಿದರು.
