ಸಿದ್ದಾಪುರ: ಪಟ್ಟಣದ ಶ್ರೀ ಲಕ್ಷ್ಮೀನಾರಾಯಣ ದೇವರ 32ನೆಯ ವಾರ್ಷಿಕ ವರ್ಧಂತಿ ಉತ್ಸವವು ಫೆ.13 ಮತ್ತು 14ರಂದು ನಡೆಯಲಿದೆ.
ಫೆಬ್ರುವರಿ 13ರಂದು ಬೆಳಿಗ್ಗೆ ಸ್ಥಾನ ಶುದ್ದಿ ಹೋಮ, ಬಿಂಬಶುದ್ಧಿ ಹೋಮ, ಗಣ ಹೋಮ, ನವಗ್ರಹ ಹೋಮ, ಪಂಚಮ ವಿನಂತಿ,ಅಭಿಮಂತ್ರಣ ಹಾಗೂ 14ರಂದು ಬೆಳಿಗ್ಗೆ ಪಂಚಾಮೃತ ಪೂಜಾ ಅಭಿಷೇಕ, ಪವಮಾನ ಹವನ, ಕುಂಭಾಭಿಷೇಕ, ಪವಮಾನ ಸೂಕ್ತದಿಂದ ಮಹಾಮಂಗಳಾರತಿ ಮಹಾ ಅನ್ನ ಸಂತರ್ಪಣೆ ನಡೆಯಲಿದೆ. ಸಾಯಂಕಾಲ 5 ಗಂಟೆಗೆ ಪಟ್ಟಣದ ಪ್ರಮುಖ ಬೀದಿಯಲ್ಲಿ ದೇವರ ಪಲ್ಲಕ್ಕಿ ಉತ್ಸವ ನಡೆಯಲಿದ್ದು,ರಾತ್ರಿ 9 ಘಂಟೆಗೆ ಅಷ್ಟಾವಧಾನ ಸೇವೆ ನಂತರ ಮಹಾಮಂಗಳಾರತಿ ಹಾಗೂ ಪ್ರಸಾದ ವಿತರಣೆ ನಡೆಯಲಿದೆ ಎಂದು ದೈವಜ್ಞ ಬ್ರಾಹ್ಮಣ ಸಮಾಜ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷ ಶಾಂತರಾಮ್ ವಿ. ಶೇಟ್, ಕಾರ್ಯದರ್ಶಿ ರಮೇಶ್ ಕೆ. ರಾಯ್ಕರ್,ಹಾಗೂ ಕೋಶಾಧ್ಯಕ್ಷ ಚಂದ್ರಹಾಸ ಜಿ.ಶೇಟ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
