ಕುಮಟಾ: ರಾಮಮಂದಿರ ಉದ್ಘಾಟನೆಯ ಶುಭದಿನವಾದ ಜ.22ರಂದು ಚಿತ್ರಗಿಯ ಶ್ರೀ ರಾಮಚಂದ್ರ ಮಠದಲ್ಲಿ ವಿಶೇಷ ಧಾರ್ಮಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದ್ದು, ಭಾನುವಾರ ಶಾಸಕ ದಿನಕರ ಶೆಟ್ಟಿ ಧರ್ಮಪತ್ನಿ ಸಮೇತರಾಗಿ ಚಿತ್ರಗಿ ಮಠಕ್ಕೆ ತೆರಳಿ ಪ್ರಭು ಶ್ರೀರಾಮನೆದುರು ದೀಪಬೆಳಗಿದರು. ಹಾಗೂ ಕಾರ್ಯಕ್ರಮದ ಪೂರ್ವತಯಾರಿಯ ಕುರಿತು ವೀಕ್ಷಿಸಿದರು.
ಚಿತ್ರಗಿಯ ಶ್ರೀರಾಮಚಂದ್ರ ಮಠದ ಮೊಕ್ತೇಸರ ರತ್ನಾಕರ ಶೆಟ್ಟಿ, ಗೋಪಾಲಕೃಷ್ಣ ಶೆಟ್ಟಿ, ಸುಬ್ರಹ್ಮಣ್ಯ ಶೆಟ್ಟಿ, ಗಣಪತಿ ಶೆಟ್ಟಿ, ಚೇತೇಶ ಶಾನಭಾಗ ಹಾಗೂ ಇತರರು ಇದ್ದರು.
