ಕುಮಟಾ: ಯುವಾ ಬ್ರಿಗೇಡ್ ಕುಮಟಾ ವತಿಯಿಂದ ಜ.14ರಂದು ರಾಮದೇವಾಲಯ ಚಿತ್ರಗಿಯಲ್ಲಿ ಸ್ವಚ್ಚ ಮಾಡುವ ಮೂಲಕ ಕ್ಷೇತ್ರ ಸ್ವಚ್ಚತೆ ಕಾರ್ಯಕ್ರಮ ಮಾಡಲಾಯಿತು. ಇದೆ ತಿಂಗಳು 22 ಕ್ಕೆ ಅಯೋಧ್ಯೆಯಲ್ಲಿ ರಾಮ ಮಂದಿರ ಉದ್ಘಾಟನೆ ಆಗಲಿದ್ದು ದೇಶದಲ್ಲಿಯೇ ಸಂಭ್ರಮದ ವಾತಾವರಣ ಇರಲಿದೆ. ಈ ಶುಭ ಸಂಧರ್ಭದಲ್ಲಿ ಯುವಾ ಬ್ರಿಗೇಡ್ ಕುಮಟಾ ತಂಡವು ರಾಮ ದೇವಾಲಯಕ್ಕೆ ತೆರಳಿ ಒಳಗಡೆ ಸ್ವಚ್ಚ ಮಾಡುವದರ ಮೂಲಕ ರಾಮನ ಸ್ವಾಗತಕ್ಕೆ ಪುಟ್ಟ ಅಳಿಲು ಸೇವೆ ನೆರವೇರಿಸಿದರು.
ಈ ಸಂದರ್ಭದಲ್ಲಿ ಯುವಾ ಬ್ರಿಗೇಡ್ ಮಂಗಳೂರು ವಿಭಾಗ ಸಹ ಸಂಚಾಲಕರಾದ ಸತೀಶ ಪಟಗಾರ, ಸದಸ್ಯರಾದ ರವೀಶ ನಾಯ್ಕ, ಗಣಪತಿ ಪಟಗಾರ, ಗೌರೀಶ ನಾಯ್ಕ, ಸಂದೀಪ ಮಡಿವಾಳ, ಪ್ರಕಾಶ ನಾಯ್ಕ, ಶ್ರವಣ ನಾಯ್ಕ ಹಾಗೂ ಅಣ್ಣಪ್ಪ ನಾಯ್ಕ ಇದ್ದರು.
