ಶಿರಸಿ: ಇಲ್ಲಿನ ನೂಪುರ ನೃತ್ಯಶಾಲೆಯ ವಾರ್ಷಿಕ ನೃತ್ಯೋತ್ಸವ ಜನೆವರಿ 6, ಶನಿವಾರದಂದು ಶಿರಸಿಯ ರಂಗಧಾಮ, ನೆಮ್ಮದಿ ಕುಟೀರದ ಆವರಣದಲ್ಲಿ ಸಂಜೆ 5 ಗಂಟೆಯಿಂದ ನಡೆಯಲಿದೆ.
ಖ್ಯಾತ ಹಿಂದೂಸ್ತಾನಿ ಗಾಯಕ ಪಂಡಿತ್ ಶ್ರೀಪಾದ ಹೆಗಡೆ ಸೋಮನಮನೆ ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದು,ಕಾರ್ಯಕ್ರಮದಲ್ಲಿ ಎಸ್.ಎನ್. ಭಟ್ ಉಪಾಧ್ಯ ಹಾಗೂ ಶ್ರೀಮತಿ ಗೌರಿ ಭಟ್ ದಂಪತಿಗಳಿಗೆ ಸನ್ಮಾನ ನೆರವೇರಲಿದೆ. ನಂತರ ನೃತ್ಯಶಾಲೆಯ ವಿದ್ಯಾರ್ಥಿಗಳ ನೃತ್ಯ ಪ್ರದರ್ಶನ ನಡೆಯಲಿದ್ದು, ನಟ್ಟುವಾoಗದಲ್ಲಿ ವಿ. ಅನುರಾಧಾ ಹೆಗಡೆ ಹಾಗೂ ವಿ. ಕುಮಾರಿ ಕೀರ್ತನಾ ಹೆಗಡೆ, ಹಾಡುಗಾರಿಕೆಯಲ್ಲಿ ವಿದುಷಿ ಶ್ರೀಮತಿ ಸುಧಾಮಣಿ ಬೆಂಗಳೂರು, ಮೃದಂಗದಲ್ಲಿ ವಿದ್ವಾನ್ ಜಿ.ಎಸ್.ನಾಗರಾಜ್ ಬೆಂಗಳೂರು, ಕೊಳಲಿನಲ್ಲಿ ವಿದ್ವಾನ್ ಡಾ | ಬಿ.ಎನ್. ಸ್ಕಂದಕುಮಾರ್ ಬೆಂಗಳೂರು ಸಹಕರಿಸಲಿದ್ದಾರೆ. ಕಾರ್ಯಕ್ರಮ ನಿರೂಪಣೆಯನ್ನು ಶಿಕ್ಷಕರಾದ ಎಂ.ಎಸ್.ಗೌಡ ಹಾಗೂ ವಿದುಷಿ ಶ್ರೀಮತಿ ಜಯಶ್ರೀ ಹೆಗಡೆ ನಿರ್ವಹಿಸಲಿದ್ದಾರೆ.
