ಹಳಿಯಾಳ : ಹಳಿಯಾಳ -ಜೋಯಿಡಾ ವಿಧಾನಸಭಾ ಕ್ಷೇತ್ರದ ಬಗರು ಹುಕುಂ ಸಾಗುವಳಿ ಸಕ್ರಮೀಕರಣ ಸಮಿತಿಯನ್ನು ರಚನೆ ಮಾಡಲಾಗಿದೆ.
ಶಾಸಕರಾದ ಆರ್.ವಿ.ದೇಶಪಾಂಡೆ ಅವರು ಸಮಿತಿಯ ಅಧ್ಯಕ್ಷರಾಗಿದ್ದು, ಸಮಿತಿಯ ಸದಸ್ಯರುಗಳಾಗಿ ಸುಭಾಷ್ ಕೊರ್ವೇಕರ, ಜೂಲಿಯಾನ ಪೇದ್ರು ಪೆರ್ನಾಂಡಿಸ್, ಎಚ್.ಬಿ. ಪರಶುರಾಮ್ ಅವರನ್ನು ಕರ್ನಾಟಕ ಸರಕಾರದ ಭೂ ಕಂದಾಯ ಇಲಾಖೆ ಸಚಿವಾಲಯದ ನಿರ್ದೇಶನದಂತೆ ನೇಮಕ ಮಾಡಲಾಗಿದೆ. ಈ ಸಮಿತಿಗೆ ಸಂಬಂಧಪಟ್ಟ ತಾಲೂಕಿನ ತಹಶೀಲ್ದಾರರು ಸಮಿತಿಯ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸಲಿದ್ದಾರೆ ಎಂದು ಬುಧವಾರ ಮಾಧ್ಯಮಕ್ಕೆ ಮಾಹಿತಿ ಲಭ್ಯವಾಗಿದೆ.
