ಶಿರಸಿ: ಗೃಹೋದ್ಯಮ ಮತ್ತು ನವೋದ್ಯಮಕ್ಕೆ ಪೂರಕವಾಗಿ ಬೃಹತ್ ವೇದಿಕೆ ಕಲ್ಪಿಸುವ ನಿಟ್ಟಿನಲ್ಲಿ ಓಜಸ್ ಹೆಲ್ತ್ ಬೂಸ್ಟರ್ ಹಾಗೂ ಶಿರಸಿ ರುಚಿ ಪ್ರಾಯೋಜಕತ್ವದಲ್ಲಿ ನ.30, ಗುರುವಾರದಿಂದ ಡಿ.3, ಭಾನುವಾರದವರೆಗೆ 4 ದಿನಗಳ ಕಾಲ ಇಲ್ಲಿನ ವಿಕಾಸ ಆಶ್ರಮ ಬಯಲು ರಂಗ ಮಂದಿರದ ಆವಾರದಲ್ಲಿ ಬೃಹತ್ ಮಲೆನಾಡು ಮೆಗಾ ಉತ್ಸವ ನಡೆಯಲಿದೆ.
ಆಯೋಜಕರು ಬೃಹತ್ ಮಲೆನಾಡು ಮೆಗಾ ಉತ್ಸವಕ್ಕೆ ಸಕಲ ಸಿದ್ಧತೆಗಳನ್ನು ನಡೆಸಿಕೊಂಡಿದ್ದು, 100 ಸ್ಟಾಲ್‌ಗಳು ಸಿದ್ಧವಾಗಿದೆ. ಇಂದು ಸಾಯಂಕಾಲ ಈ ಉತ್ಸವಕ್ಕೆ ಚಾಲನೆ ದೊರೆಯಲಿದ್ದು, ಮಾಜಿ ವಿಧಾನಸಭಾಧ್ಯಕ್ಷ ವಿಶ್ವೇಶ್ವರ ಹೆಗಡೆ ಕಾಗೇರಿ ಉದ್ಘಾಟಿಸಲಿದ್ದಾರೆ. ಈ ಉತ್ಸವವು ನಾಲ್ಕು ದಿನಗಳ ಕಾಲ ನಡೆಯಲಿದ್ದು, ಜಾತ್ರೆಯ ವಾತಾವರಣ ನಿರ್ಮಿಸಲಿದೆ.
ಮಲೆನಾಡು ಉತ್ಸವಕ್ಕೆ ಜಿಲ್ಲೆಯ ಜನರು ಹಾಗೂ ಇನ್ನಿತರರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ, ಉತ್ಸವಕ್ಕೆ ಮೆರಗು ನೀಡುವಂತೆ ಆಯೋಜಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ
