ಸಿದ್ದಾಪುರ; ಅರಣೋದಯ ಸಂಸ್ಥೆ (ರಿ) ಶಿರಸಿ, ಸಂಸ್ಥೆಯಿ0ದ ಜಿಲ್ಲೆಯ ಉತ್ತಮ ಪ್ರಾಥಮಿಕ ಶಾಲಾ ಶಿಕ್ಷಕರಿಗೆ ಜಿಲ್ಲಾ ಮಟ್ಟದ ‘ಪಾಂಡುರಂಗ’ ಪ್ರಶಸ್ತಿಯನ್ನು ಕಳೆದ 16 ವರ್ಷಗಳಿಂದ ನೀಡುತ್ತಿದ್ದು, ಈ ವರ್ಷದ ಪ್ರಶಸ್ತಿಗೆ ಅರ್ಜಿ ಆಹ್ವಾನಿಸಲಾಗಿದೆ.
ಈ ಪ್ರಶಸ್ತಿಗೆ ಈಗಾಗಲೇ ನಮ್ಮ ಜಿಲ್ಲೆಯಲ್ಲಿ ಕನಿಷ್ಠ 15 ವರ್ಷ ಪ್ರಾಥಮಿಕ ಶಾಲಾ ಶಿಕ್ಷಕರಾಗಿ ಅಥವಾ ಫ್ರೌಡ ಶಾಲಾ ಶಿಕ್ಷಕರಾಗಿ ಸೇವೆ ಸಲ್ಲಿಸಿರುವುದರೊಂದಿಗೆ ಇನ್ನಿತರ ಸಾಮಾಜಿಕ ಕಾರ್ಯಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿರುವ, ಇಲ್ಲವೆ ಶಿಕ್ಷಕರಾಗಿ ಜನಮನ್ನಣೆ ಗಳಿಸಿರುವ ಇಲ್ಲವೆ ಈ ಕ್ಷೇತ್ರದಲ್ಲಿ ವಿಶೇಷ ಸಾಧನೆಗೈದ ಶಿಕ್ಷಕರು ಅರ್ಜಿ ಹಾಕಲು ಅರ್ಹರಾಗಿರುತ್ತಾರೆ. ಅರ್ಜಿ ಸಲ್ಲಿಸುವವರುತಮ್ಮ ‘ಸ್ವ-ವಿವರ’ ಹಾಗೂ 15 ವರ್ಷ ಸೇವೆ ಸಲ್ಲಿಸಿದ ಬಗ್ಗೆ ದಾಖಲಾತಿ ಒದಗಿಸುವುದು ಮತ್ತು ತಮ್ಮ ಇಲ್ಲಿಯವರೆಗಿನ ಸಾಧನೆಯನ್ನು ದೃಢೀಕರಿಸುವ ಯಾವುದೇ ದಾಖಲೆಗಳು ಇದ್ದಲ್ಲಿ ಒದಗಿಸುವುದು ಅವಶ್ಯಕತೆ ಇರುತ್ತದೆ. ಅರ್ಜಿ ಸಲ್ಲಿಸುವ ವಿಳಾಸ: ಸತೀಶ ಪಿ.ನಾಯ್ಕ, ವಕೀಲರು, ವ್ಯವಸ್ಥಾಪಕ ಟ್ರಸ್ಟಿ, ಅರುಣೋದಯ ಸಂಸ್ಥೆ (ರಿ), ಶಿರಸಿ ತಾಲೂಕಾ ಪಂಚಾಯತ ಕಚೇರಿ ಎದುರು, ಶಿರಸಿ ಉ.ಕ. 581401.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: tel:+918660102118 ಶಿಕ್ಷಕರ ದಿನವಾದ ಸೆಪ್ಟಂಬರ್ 5ರಂದು ಈ ಪ್ರಶಸ್ತಿಯನ್ನು ವಿತರಿಸಲಾಗುವುದು ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಆ.30 ಆಗಿರುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
