ಕುಮಟಾ: ಮಾಜಿ ಸಚಿವ ಆರ್.ವಿ.ದೇಶಪಾಂಡೆ, ಮಾಜಿ ರಾಜ್ಯಪಾಲೆ ಮಾರ್ಗರೇಟ್ ಆಳ್ವಾ ಪುತ್ರ ಕುಮಟಾ-ಹೊನ್ನಾವರ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ನಿವೇದಿತ್ ಆಳ್ವಾ ಪರ ಶುಕ್ರವಾರ ತಾಲೂಕಿನ ಪ್ರಚಾರ ನಡೆಸಿದರು.
ಮಾರ್ಗರೇಟ್ ಆಳ್ವಾ ಹಾಗೂ ದೇಶಪಾಂಡೆ ನಡುವೆ ಕಳೆದ ಮೂರು ದಶಕಗಳಿಂದ ಮುಸುಕಿನ ಗುದ್ದಾಟ ನಡೆಯುತ್ತಲ್ಲೇ ಇತ್ತು. ಇಬ್ಬರ ನಡುವೆ ಜಿಲ್ಲೆಯಲ್ಲಿ ಎರಡು ಬಣಗಳೇ ಇದ್ದು ಈ ವಿಚಾರ ದೊಡ್ಡ ಸದ್ದು ಮಾಡಿತ್ತು. ಸದ್ಯ ಇಬ್ಬರು ಶತ್ರುತ್ವ ಮರೆತು ಮಿತ್ರರಾಗಿದ್ದು ಶುಕ್ರವಾರ ತಾಲೂಕಿನ ವಿವಿಧೆಡೆ ನಿವೇದಿತ್ ಆಳ್ವಾ ಪರ ಮತಯಾಚನೆ ಮಾಡಿದರು.
ನಿವೇದಿತ್ ಆಳ್ವಾ ಯುವಕನಿದ್ದು ಕ್ಷೇತ್ರದ ಚಿತ್ರಣವೇ ಬದಲಿಸುವ ಸಾಮರ್ಥ್ಯ ಹೊಂದಿದ ಅಭ್ಯರ್ಥಿ. ಈ ಬಾರಿ ಕ್ಷೇತ್ರದ ಮತದಾರರು ನಿವೇದಿತ್ ಆಳ್ವಾ ಕೈ ಹಿಡಿಯುವಂತೆ ಮನವಿ ಮಾಡಿಕೊಂಡಿರು. ಇನ್ನು ತನ್ನ ಮಗ ನಿವೇದಿತ್ ಪರ ದೇಶಪಾಂಡೆ ಪ್ರಚಾರಕ್ಕೆ ಆಗಮಿಸಿದ್ದಕ್ಕೆ ಮಾರ್ಗರೇಟ್ ಆಳ್ವಾ ಸಹ ಸಂತಸ ವ್ಯಕ್ತಪಡಿಸಿದ್ದಾರೆ.
