ಶಿರಸಿ: ಇಲ್ಲಿನ ಆದರ್ಶ ನಗರದ ಬಾಲಕ ಅನೀಶ್ ಗುರುರಾಜ ಭಟ್ ಸುಬ್ರಾಯಕೊಡ್ಲು ಈತನು ಈ ಸಾಲಿನ ತಾಳವಾದ್ಯ ಪರೀಕ್ಷೆಯಲ್ಲಿ, ತಬಲಾ ವಾದನ ವಿಭಾಗದ ಜೂನಿಯರ್ ಪರೀಕ್ಷೆಯಲ್ಲಿ ಡಿಸ್ಟಿಂಗ್ಶನ್ ಸಾಧನೆ ತೋರಿದ್ದಾನೆ. ಈತನು ಶಿರಸಿಯ ಅರುಣೋದಯ ಕಲಾನಿಕೇತನ ಸಂಗೀತ ವಿದ್ಯಾಲಯದಲ್ಲಿ ಹಿರಿಯ ತಬಲಾ ವಾದಕ ಸಂಜೀವ ಪೋತದಾರ ಅವರಲ್ಲಿ ತಬಲಾ ವಾದನದ ತರಬೇತಿ ಪಡೆಯುತ್ತಿದ್ದಾನೆ.
ಚಂದನ ಶಾಲೆಯ ಏಳನೇ ತರಗತಿಯಲ್ಲಿ ಓದುತ್ತಿರುವ ಬಾಲಕ ಅನೀಶ್ ಈಗಾಗಲೇ ಶಾಲಾಮಟ್ಟದ ಹಲವಾರು ಕಾರ್ಯಕ್ರಮಗಳು ಸೇರಿದಂತೆ ತನ್ನ ಪ್ರತಿಭೆಯನ್ನು ತೋರಿಸುತ್ತಿದ್ದು, ಬಾಲಕನ ಸಾಧನೆಗೆ ಸಂಗೀತ ಗುರುಗಳು ಹರ್ಷ ವ್ಯಕ್ತಪಡಿಸಿದ್ದಾರೆ.
