ಶಿರಸಿ: ತಾಲೂಕಿನ ಗೋಳಿ ಶ್ರೀ ಸಿದ್ಧಿವಿನಾಯಕ ದೇವಸ್ಥಾನದ ಸಭಾಭವನದಲ್ಲಿ ಮಾ.22 ಬುಧವಾರ ಸಂಜೆ 6.30ರಿಂದ ಯುಗಾದಿ ಹಬ್ಬದ ಪ್ರಯುಕ್ತ ಸ್ವರಾಂಜಲಿ ಸಂಗೀತ ಕಾರ್ಯಕ್ರಮ ಆಯೋಜಿಸಲಾಗಿದೆ.
ದಿ. ವಿಶ್ವನಾಥ ಮಂ ಹೆಗಡೆ ಹಳ್ಳದಕೈ ಹಾಗೂ ದಿ. ಡಾ. ಬಿಂದುಮಾಧವ ಪಾಠಕ್ ಇವರ ಸ್ಮರಣಾರ್ಥ ಈ ಕಾರ್ಯಕ್ರಮ ಆಯೋಜಿಸಿದ್ದು ಗಾಯನದಲ್ಲಿ ಪಂ ಧನಂಜಯ ಹೆಗಡೆ ಮುಂಬೈ ಹಾಗೂ ಶ್ರೀಮತಿ ಬಕುಳಾ ಹೆಗಡೆ ಸೋಮನಮನೆ ಸಂಗೀತ ಕಛೇರಿ ನಡೆಸಿಕೊಡಲಿದ್ದಾರೆ. ಪಂ. ಗೋಪಾಲಕೃಷ್ಣ ಹೆಗಡೆ ಕಲ್ಬಾಗ್ ಹೊನ್ನಾವರ, ಶಂಕರ ಹೆಗಡೆ ಶಿರಸಿ ತಬಲಾ ಸಾಥ್ ಹಾಗೂ ಭರತ ಹೆಗಡೆ ಹೆಬ್ಬಲಸು ಸಂವಾದಿನಿ ಸಾಥ್ ನೀಡಲಿದ್ದಾರೆ. ಕಾರ್ಯಕ್ರಮದಲ್ಲಿ ಖ್ಯಾತ ಸಿತಾರ್ ವಾದಕ ಪಂ. ಆರ್ ವಿ ಹೆಗಡೆ ಹಳ್ಳದಕೈ ಇವರಿಂದ ಸಿತಾರ್ ವಾದನ ನಡೆಯಲಿದೆ ಎಂದು ಸಂಘಟಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
