ತಾಲೂಕಾ ಸಾಹಿತ್ಯ ಸಮ್ಮೇಳನ: ಸರ್ವಾಧ್ಯಕ್ಷರಿಗೆ ಆಮಂತ್ರಣ ನೀಡಿದ ಪದಾಧಿಕಾರಿಗಳು

ಶಿರಸಿ: ಶಿರಸಿ ತಾಲೂಕಿನ 8ನೇ ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷರಾದ ಕವಿ ರಾಜೀವ ಅಜ್ಜೀಬಳರವರ ಮನೆಗೆ ಮಂಗಳವಾರ ಶಿರಸಿ ಕಸಾಪ ಪದಾಧಿಕಾರಿಗಳು, ಸದಸ್ಯರು ತೆರಳಿ ಸನ್ಮಾನಿಸಿ ಆಮಂತ್ರಣ ಪತ್ರಿಕೆಯನ್ನು ನೀಡಿ, ಸಮ್ಮೇಳನಕ್ಕೆ ಆಹ್ವಾನಿಸಿದರು.
ಈ ಸಂದರ್ಭದಲ್ಲಿ ಕಸಾಪ ಶಿರಸಿ ತಾಲೂಕಾ ಅಧ್ಯಕ್ಷ ಜಿ. ಸುಬ್ರಾಯ ಭಟ್ ಬಕ್ಕಳ ಗೌರವ ಕೋಶಾಧ್ಯಕ್ಷ ವಿ.ಆರ್. ಹೆಗಡೆ ಮತ್ತಿಘಟ್ಟ, ಕಾರ್ಯಕಾರಣಿ ಸದಸ್ಯರಾದ ಪ್ರೊ. ಕೆ. ಎನ್.ಹೊಸಮನಿ, ರಾಜೇಶ ದೇಶಭಾಗ, ಕೃಷ್ಣ ಪದಕಿ, ಸಾವಿತ್ರಿ ಶಾಸ್ತ್ರಿ, ಸಾಹಿತಿ ಡಿ.ಎಂ. ಭಟ್ಟ ಕುಳವೆ ಉಪಸ್ಥಿತರಿದ್ದರು.